Jacques 5:16 - New Testament in Mitsogo

¹⁶ Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.

Jacques 5:16 ပူးပေါင်းရင်းမြစ်များ

Matthieu 21:22

Okô anye nôétsi mitéma mianyô mietso gô éne édukanye Nzambé g’ôsambô, nôngeena éangô.

Matthieu 3:6

Gô mabégô maô mabévani môma na môma ameeséda amuene va pingô yoma na amadiia bateme gô mbéne étetu mbe Jourdain.

Marc 1:5

Asi Judée muetso n’asi Jérusalem muetso ahmakiaka na gôndé Jean. Gô ébévee éaô môma na môma ameeséda amuene va pingô oma na amadiia bateme gô mbéne étetu mbe Jourdain.

LUC TSANGO EAMOSOBA EMATENDA 9:6

Aneengie ahmakea. Amoota gô mbôkaye yetso, ameekéda Tsangô Eamôsôba na amadôngéda abeeyie gô tungu yetso.

Jean 9:31

We tôsabômu mbe Nzambé asookô môduké amôma môbévani. Oôkô te ône amôgobedani na eenda mane manyôngéô amuene Nzambé.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 19:18

Va gatse ane ameetsa Jésus mitéma miaô na mbeego ayekani amatsika tsoyine yaô na gomoe waô gôénigôa va mbene amuetso mbe: Me dôta môvo nameetsa Jésus môtéma.

Mayanzame 8:24

Vane Simon amagondo Pierre na Jean mbe: Kokooni yanye. Dukani Nzambé gôndé me, mbe kabaga éne évovi anye ébuéa gôndé me.

Romains 3:10

Matendeo maNzambé matônigôa mbe’ Gôsaba môma, ta na môvo asaba n’oési.

Romains 5:19

Vamakékôa Adam akékôa ôgi aNzambé, ameengéda oma ayekani gô tsôgôô amabégô mabévani. Vamagobeda Jésus-Christ, agobeda ôgi aNzambé amakuséda oma ayekani gô tsôgôô éamabégô mabévani gôéba gébé n’oési va mbene aNzambé.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

1 Thessaloniciens 5:17

Vovoni na Nzambé gédundé.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

1 Thessaloniciens 5:25

Ana aTétee n’ami asi mbumu éaNzambé, vovoni na Nzambé gôndé we.

Hébreux 11:4

Abel ameetsa Nzambé môtémee wetso gétsumé mitôma miedi paga na amadeekeda Nzambé ôgondoku ômootéa ényepa n’one aCaïn. Gôsibé Abel na paga, Nzambé amabono angô ti eembe asibé na ébéva. Na amasinga ôgondoku aAbel. Gô éné émayanza Abel na môtémedi wetso gôndé Nzambé atôongô ndongi deo noo buéyé mbe amamana éwa.

Hébreux 11:7

Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

Hébreux 12:13

Oombakani ékea gô nzéaye dindé na deedéké gômbe makôdôme manyô meekonzo masangakobo, ivô mbe mangadôngédu.

Hébreux 13:18

Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.