Jacques 5:15 - New Testament in Mitsogo

¹⁵ One eetsa Nzambé môtémedi wetso gétsumé ngudi yedi paga vadukangô, môduké wedi ôdôngéda môbeeyi. Kumu atimôa angô na ébévee éedi ésingéô kokoo.

Jacques 5:15 ပူးပေါင်းရင်းမြစ်များ

Matthieu 17:20

Jésus amaabéa angô mbe: Paga yanyô dipoo. Nanônigôa ébégô édué éapie. Okô nôétsi mitémamie, pengo vi pesu, évundee ga môbie apivi, nôngayanza mabégô mavôni. Nôngatôma môkôdi mbe: Nôtôga éva, kea na vane. Na môkôdie ônganôtôga. Nôsangadagéô ébégô. [

Jean 5:14

Va mbenene vane, Jésus amadengana n’edi gô eba aNzambé. Amavovo n’edi mbe: Owema, éwe ôdôngédiô. Ombieendadô ébégô ébévani kabaga ôena éene ébégô éôtéa édagani.

Jean 6:39

Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

II Corinthiens 4:14

Tôsabômu mbe Nzambé te ône amakundua Kumu Jésus g’ôwa na te angô angatôkunduani dôta g’ôwa na Jésus. Angatôtsigéda n’anye muetso géômbé gévo va mbene edi.

Jacques 1:6

Ivô buedi mbe môma aduké na môtémee wetso, gébé na buétsé. One atsuma paga, agono na miyôkiyôki miamubu miyôkimédu n’opunga na gésa na gésa.

Jacques 5:13

?Gôndéké môvo va gatse anyô eena panda? Agondé Nzambé. ?Gôndéké môvo va gatse anyô eena buedi‐a? Embéké mimbô maNzambé.

Jacques 5:16

Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.

Jacques 5:20

Menyani mbe ône anôtôi môkedi gô nzéane ébévani éne émabakangô mbe akea gôémônikéda na gô éne éapie, ooboi môkedi g’ôwa, na ébévee éyékani ésingéyiô kokoo.