Jacques 3:2 - New Testament in Mitsogo

² We muetso tôénda ôési aminongo minongo. Okô môma asapônga gô mavovia te môma apie. Te angô atôma ôtôé wedi wetso gébé n’oési.

Jacques 3:2 ပူးပေါင်းရင်းမြစ်များ

Matthieu 12:34

Anye nôndé ga mbigé. Nôndé na mavovia mamisôba tambô nôndé ti oma abévani. Menyani mbe éne éndé gô môtéma ékusa te gô mônya.

Matthieu 12:37

Menyani mbe môma angeetsô ôési na angeetsô mitayi te gô mavovia medi.

Romains 3:10

Matendeo maNzambé matônigôa mbe’ Gôsaba môma, ta na môvo asaba n’oési.

Romains 7:21

Gô môtémami gôndéké ébégô éagéndégégé édékéda me gôékina éénda mane mamisôba mbe neendaka te mane mabévani.

I Corinthiens 9:27

Natôma ôtôe wami gôéyanzéda angô ganyôngéô me gôéekaganédu angô. Neenda nane kabaga me môékédi aNzambé, nakuba gô mane meekédi me anye mbe: Nôwema, nômbiakuba gô mangô.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Galatie 5:17

Te nane, môtéma na ésimedi ôndé na tsôvé dipengana na Gédidi SaNzambé. Tsôvé yaGédidi SaNzambé dôta disanyônganéô na môtéma gabôtu môma. Tsôvé yamôtéma na dine yaGédidi SaNzambé dipengana anguene n’anguene te gadagéô anye éénda mane masabômu anye mbe te mamisôba.

Colosses 1:28

T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Jacques 1:26

?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene.

Jacques 1:4

Ivô keneani mbe nôbibéda ti v’ekôdéô éabibéda. N’anye mbe nôngaba nômatsimamani na nômadugani gévéé ta n’ebégô évo.

Jacques 2:10

One akenea mitôma na mige miaNzambé mietso ivô amôkuua ti môge ôvo, andé n’oési gô mitôma na mige mietso.

I Pierre 3:10

Te gatôbeendu na Matendeo MaNzambé mbe: Gôndé ône anyôngéô édigaa gétabé gô tsengene, Na anyôngéô éena minya mietso gényônga. Aweme ômeni edi gô mikokou na miumbu miedi gô diboe.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.