Jacques 3:14 - New Testament in Mitsogo

¹⁴ Okô gô mitéma mianyô nôndé na ngusu na kébuma nônakuméda anyene mbe, tôndé n’eodo. Nômbiapatéda gô mane mapie.

Jacques 3:14 ပူးပေါင်းရင်းမြစ်များ

Matthieu 27:18

Gôébégô Pilate asibômu mbe tsesu yadeekedi adigondoku ameetsa angô Jésus‐Christ gô ngusu éaô.

Jean 16:2

Oma anganôpatsa gô yeba yewanyéô. Gô ndéô divigani oma anganôyôha na angeenda mbe: Gôyôhi we môma nône, we tôyanzéyi Nzambé ébégô éamôsôba.

Mayanzame 13:45

Vameena Ajuif pingô yoma ahviga gôéôkô gameekéda Paul na Barnabas, asinyôngéô. Gô ngusune yaô amakékôa na amabuta éemôa meekédume na ahmayungéda géwanyéôge na matoki.

Mayanzame 26:9

Memuene namasema gôégenya ébadi na Jésus, môsi Nazareth mbe inedi édimbana.

Mayanzame 5:17

Vane pene adeekedi adigondoku na géômbé sAsadducéen ahmeena ane amatômukuni ngusu. Ahmavangéa ahngô gépangô.

Mayanzame 7:9

Peeye yasô n’anyô ane, amawéea muanayaô Joseph ngusu. Amamôsômbéda g’ôvéga gô Egypte. Na Nzambé amakenea Joseph.

Romains 1:29

Mitéma mioma mimayôa na mabégô metso masanyepani, na ébéva na ngusu na ôbagaa. Anyima mane maakaô, na eenda mikôbé, na masanganéda. Abôméda akaô na apatéa na atokono.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 2:17

Ivô me navovo n’ewe ôakuméda mbe: Me Môjuif. Môtémoo wetso ôndé gôékenea migemie ga meba magô ôvéé. Na ônyemôga gô Nzambéne éoo.

Romains 2:8

Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

I Corinthiens 13:4

Etondo étôdiia gôndé Nzambé étôétsa ngeba. Etondoe éne ényepa na ésamenya ngusu. Na dôta ésaba na nyemo na tsoki.

I Corinthiens 3:3

Endé te nane gôébégô anye nôgédigaaka gadigaa oma atsengene ahsavamba na Nzambé. Gô ngusune eendanye na gô masaganédame meendanye nôtubéda mbe, tôndé oma atsengene na tôénda mônongovo geenda oma muetso, ane ahsavamba na Nzambé. ?Ene te kuanakue‐a?

I Corinthiens 5:2

Na vane nôboa nyemo anyene mbe: Tônyepa. ?Tambô nôsamenya mbe ébégôe éne gôndé anye te éatsoyi‐a? Na mômôgôô nône ayanza nane, buedi mbe apatsô va gatse anyô.

I Corinthiens 5:6

?Anye nônyemôga nayee? Nôsabômu tsavane égunyu mbe, vipesu viamibie vialevure vigésu gô môpemba viaahndéda mipemba miyekani.

II Corinthiens 12:20

Me Paul nakebangana mbe kabaga tsanôdenga gaténdéda me. Na kabaga me dôta tsaba n’anyô gamaténdéda anye gôndé me. Mavooe kabaga nadenga dôta va gatse anyô masaganéda, na ngusu, na dipisa, na tatô, na matoki, na matsuavi, na dienza, na mabégô masagô.

Galatie 5:15

Okô nôdigaa gadigaa nyama yagô pindi, nôbetana, nôbévanédana, wemani kabaga nôbunzana anyene n’anyene.

Galatie 5:20

na égobeda mbumba yegoni, na maganga, n’adudanô anguene n’anguene, na masaganédana na ngusu, na dipisa, na misoso, na pingô yéômbé ésaba na vitôô gô mabégô maNzambé,

Galatie 5:21

na ényima, n’edangi, n’onzôô éaa môyakô, na mabégô mamônongo ône. Me nanôévéda mônongo gamani me énôbeenda mbe ane eenda mabégôme mane asangadigaa g’ôkumu aNzambé.

Galatie 5:26

Tômbiaba na dienza. Tômbiakambôganéa wa n’anyôene na wa n’anyôene. Tômbianyimana wa n’anyôene na wa n’anyôene gôébuta géneega sabobo.

Galatie 6:13

Omeaa andé na gésima segeetu anguene asagobeda mige na mitôma miaNzambé. Abuta énôgeeteda ahngô ahkiaka anyemôga anguene mbe: Te we tôétsédi ahngô gémbégéa gô yôtô taô.

Philippiens 1:15

Na gô pie va gatse eekédie gôndéké avo andé gôénigôa Tsangô éaChrist gô tsingayi éangusune éenangô me. Ivô gôndé ayekani eekéda na mitéma miagényônga.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

I Timothée 2:4

Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.

I Timothée 6:4

menyani mbe ahngô éékéda te gô nyemo étévo. Asamenya ébégô n’ébégô. Andé na tsôvé ébévani yétsumana paga na yésaganédana gôébégô éamavovia. Vane te vabandôa ngusu na masaganédana, na dibuanya na matasa mabôvingô.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

Jacques 3:16

Gôébégô gô tunguye dindéké ngusu na kébuma didenganô dôta na mabégô masagôsagô na mane mabévani.

Jacques 5:19

Ana aTéta, ôkô mbe môvo va gatse anyô amaagana na mabégô mapie, buedi mbe muene amônikédé na gô mangô.