Jacques 3:13 - New Testament in Mitsogo

¹³ ?Gôndé va gatse anyô môma andé n’eodo n’ebagéa? Atubédé éodo éedi na ébagé éedi gô ésima éedi éamisôba na gô éne éendangô na môtéma ômasumani.

Jacques 3:13 ပူးပေါင်းရင်းမြစ်များ

Matthieu 11:29

Tôtsuéké égumbee wa n’oo abaé, éwe gévo gésa samôkongo, me dôta gévo gésa. Singa me nagôékéda. Me te môma angeba agébé na nyemo. Ongadenga gédundéô samôtémee woo ganyôngéô éwe.

Matthieu 21:5

Beendani asi môsenge aSion mbe: Bononi Kumu anyô avigi na gôndé anye Andé môma agébé na nyemo. Angô aviga digaa gô nyama éagétabé, ânesse. Adigaa gô ânon, môpaga ânesse.

Matthieu 5:5

Ti gô gényônga géndé n’anye nôsaba na nyemo. Nômeetsô tsinane nyetso na Nzambé ôbiia.

Matthieu 7:24

Muetso ookéô mabégôme mavovo me na agobeda mangô andé ga môma eodo amasaa ebedi gô tungu éndé toto na mataé.

I Corinthiens 6:5

Navovo nane gôénôétsa tsoyi. ?Tambô va gatse anyô gôsaba ta na môma môvo andé n’eodo gôékônza ébégôe‐a?

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 8:24

Tubédani ahngô ékasôga éndé n’anye éne émookô mbumu yetso yaNzambé tsangône émakuméda me anye. Nômbiatsika me na tsoyi.

Galatie 5:23

na gôéba gébé na nyemo, na gôéoodeda môtéma gôékina manyima mabévani. Mabégô mema masaba na môge.

Galatie 6:1

Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.

Galatie 6:4

Buedi mbe môma na môma akanégé môdigédi edi amuene ôkô mbe ôndé kuanakue. Okô mbe ôbé kuanakue ôbaké nane gébone ône amôkedi.

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

II Timothée 2:25

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

Tite 3:2

Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.

Hébreux 13:5

Nômbiasinga mbe tsôvé yadode ditôma anye gô môdigédie wanyô. Tsôkéakani te éne éndé n’anye. Gôébégô Nzambé amavovo mbe: Me tsangoongôa égôtsika. Me tsanganôtôga gôégôtsika ômuene.

Jacques 1:21

T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.

Jacques 2:18

Tôkanéga n’oma abaé. Môvo avovo na môkedi mbe: Me neetsi Nzambé môtémami wetso gémôtsumé paga. Môkedi mbe: Me va yami kuka nandé n’esima ényôngéô Nzambé. Tubéda me gameetsa éwe Nzambé môtémoo, éwe gédigéé n’esima ényôngéô angô. Ivô me nangagôtubéda ésima éami éamisôba vane éwe ôngayavôga émenya mbe: Odôô amani eetsa Nzambé môtémee wetso gémôtsumé paga.

Jacques 3:1

Ana aTéta agô mbumu éaNzambé mbe gôsibaké va gatse anyô ayekani eetsi andongi. Nôsabômu mbe, we eekédi, môtsundue asô ôngavasô gô mabégô metso.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

I Pierre 1:15

Mônongovo gandé amuene Nzambé amabambéa anye andéké amatsimamani, anye dôta bakani nômatsimamani gô midigédi mianyô.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 3:4

Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé.