Jacques 3:1 - New Testament in Mitsogo

¹ Ana aTéta agô mbumu éaNzambé mbe gôsibaké va gatse anyô ayekani eetsi andongi. Nôsabômu mbe, we eekédi, môtsundue asô ôngavasô gô mabégô metso.

Jacques 3:1 ပူးပေါင်းရင်းမြစ်များ

Matthieu 10:24

Jésus angô mbe: Môneengi asoongôa éôtéa môékédi edi. Na môyanzi asoongôa éôtéa môtômine wedi.

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Matthieu 23:14

Ti go maguga mande n’anye anigoi amige miaNzambe n’Apharisien. Nônde ti anyepi amiônya. Anye nôeesuéa mikue vipesuvie vinde n’ahngo. N’anye nôsambéda disambô ditongoni gôétubéda ényepee éanyô. T’ebandô gésisédéô sanyô géngootéa édaga.]

Matthieu 9:11

Apharisien ameena gômaa Jésus na ahmeevôa aneengi edi mbe: ?Môékedine wanyô nayee angô aa tabudé épo n’abongi adepu na oma amookanô mbe abévani?

LUC TSANGO EAMOSOBA EMATENDA 16:2

Kumu ekôtee amabambéa môyanzine na amavovo n’edi mbe: ?Tsangône éôkiô me gôndé éwe ékegea nayee? Tôtanga ékôtee. Nigôa me gamayanza éwe, mbe ôsangabadô môsômbédi ami.

LUC TSANGO EAMOSOBA EMATENDA 6:37

Nômbiatsuava akanyô kabaga anye nôtsundédu na Nzambé. Nômbieeséda akanyô, kabaga Nzambé anôeséda. Singéani akanyô kokoo, na Nzambé anganôsingéa dôta kokoo.

Jean 3:10

Jésus amaabéa angô mbe: ?Ewe te môékédi môvôni aIsraël n’ewe ôsamenya mabégô mema?

Mayanzame 13:1

Va gatse asi mbumu éaNzambé gô Antioche gômabaka apandôédi amatasa maNzambé na eékédie. Ahngô te Barnabas, na Siméon (eendô mbe ône anzue) na Lucius (amaviga gô Cyrène). Na avo dôta te Manaën, (ône amabôngôu gô eba aHérode môtômi atsenge) na Saul.

I Corinthiens 12:28

Vane tôena mônongovo gamakônza Nzambé mbumune yedi. Amapanga te ane amasevouni na amatômukuni na Jésus. Va ngimaô te apandôédi andongi yedi. Na va ngimaô te eekédi. Na vane te ane atubéda émbégéa éangudi yaNzambé gô mabégô mamisôba manyônganéôni matsapéô môma masoongôa angô énigôa. Va mbene vane te ane andé na ngudi yeedôngéda abeeyi, na ane awedéa akaô, na étômbiatômbia, na ane avovo waanga ôgi ôsiikédu angô.

II Corinthiens 5:10

Gô éne éyanza we tôdônga na yôtô yedi tôngatsundédu vatema we va mbene aChrist. Tôngadiia, môma na môma, éne éndé kuanakue n’edi buéyé mbe mane mamisôba vo mane mabévani gamayanza wa n’anyô gô yôtô yedi.

Ephésiens 4:11

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie.

I Timothée 1:7

Anyôngéô émenyanganô mbe eekédi avôni amitôma miaNzambé, tambô, anguene asanigôgéô mane mavovo ahngô magénongo.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

II Timothée 1:11

Nzambé amasevoa me gôénigôa Tsangô nene Eamôsôba gôndé ane asavamba na Nzambé. Ameetsa me ényangee éamôékédi, na éamôma atômuku na Jésus.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

Jacques 1:16

Ana aTéta amôtéma nômbiabômédu.

Jacques 1:19

Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga.

Jacques 3:10

Gô mônya ôvo gôkusa mavovia mamate na mane mamikokou. Ana aTéta mbe ésibaké nane.

I Pierre 5:3

Nômbiabuta ébatéda anyene gôéôtéa ane ahyanza n’anye éyanzevo. Bakani ôkana va gatse amandombo maNzambé mbe anganôgoo.