Jacques 2:5 - New Testament in Mitsogo

⁵ Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

Jacques 2:5 ပူးပေါင်းရင်းမြစ်များ

Matthieu 11:5

Nigôani angô geeni anye mbe asi pogu eena, na ékonzo akea na makôdô manguene, n’asi ébeea éagega adôngi, na asi ndiba ookô, na ane awakini akundugi, na misuga miikédu Tsangô Eamôsôba.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 5:3

Ti gô gényônga géndé n’anye nôsabômu mbe mitéma mianyô mindé g’ôsuga. Okumu aNzambé ôndéké gôndé anye.

Marc 7:14

Na va mbene amane Jésus amoomba ébambéa géômbége. Angô mbe: Oôkôni me anye muetso vôtanganôni édué.

LUC TSANGO EAMOSOBA EMATENDA 12:21

Jésus amanigôa mbe: Endé te nane. Gôndé amuene môma andé gékiti, ivô va miso maNzambé andé ti môsuga.

LUC TSANGO EAMOSOBA EMATENDA 12:32

Nômbieena gomo anye mandombo mami, béyé gandé anye vipesu viami viôbua. Menyani mbe Nzambé eena ti gényônga gôénôétsa ôkumue wedi.

LUC TSANGO EAMOSOBA EMATENDA 16:22

Môsugee amawa. Asi g’ôba amavigédu na Nzambé gôémôtsua na vandé Abraham. Gékitige dôta amawa. Amagunyu.

LUC TSANGO EAMOSOBA EMATENDA 16:25

Abraham amasiia mbe: Muanami ônabômu mbe ômadiiaka mamisôba vamaba éwe gô monyoe woo va tsina. Géé Lazare ôdôô, ameenaka maguga gô ône wedi monyo. Egôdô Lazare eena mamisôba n’ewe ôndé gô maguga.

LUC TSANGO EAMOSOBA EMATENDA 22:29

T’ebandô me nanôétsa ôkumu gameetsô me angô na Téta.

LUC TSANGO EAMOSOBA EMATENDA 6:20

Jésus amabono aneengie edi na amavovo n’ahngô mbe: Ti gô gényônga géndé n’anye nôndé gébé na sôma. Okumu aNzambé ôndé gôndé anye.

Jean 7:48

?Va gatse atsesuye yasô na Apharisien wasô gôndéké môvo amôétsi môtémee-a? Gôsaba.

Mayanzame 7:2

Etienne amasiia mbe: Anye tétee yami yami na aneya, ôôkôni édué. Nzambé, Kumu ondômbee wetso amatsutsuga na gôndé tétasô Abraham vamadigaangô gô Mésopotamie. Te angô madeo asitôta na gô Charan.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 2:9

Te gatônigôu gô Matendeo MaNzambé mbe: Ene émakônza Nzambé gôndé ane ahndé n’edi môvo n’etondo, Te éne madeo ésienanô na môma, na ésiôkanô na môma. Na dôta éne ésivakô na môma gô môtémedi.

II Corinthiens 4:15

Eetso étôenani édué ébuéa te gôékasôgéda anye. Gô ngudi yaNzambé omedi angayeka. Vangayeka ahngô, tambô n’asambédie, n’akumédi aNzambé amani éyeka dôta.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

Ephésiens 1:18

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

II Thessaloniciens 1:5

Nôeni gayanza Nzambé gépenganédé mabégôme. Gô gékuanôge gésipanye, andé gôénônyepeda mbe nôngaba kuanakue gôéengéa g’ôkumu edi. Magugame meenanye te gôndé angô.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

II Timothée 4:18

Kumu Nzambé angayuua me gô maguga metso gôéengéda me gétabé n’ekenge g’ôkumu edi ag’ôba. Ondômbee na ôkumakee wetso ôbaké môbô na môbô gôndé angô. Amen.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 11:26

Moïse amamenya mbe gôésipa gô gékuanô sainee éaChrist, te éne éndé na tsoongo. Géé gôédigaa n’okitie wetso atsengene éaEgypte, éne ésibé na tsoongo. Gôébégô Moïse amaténdéda na amabono miso medi te gô môsenda agô mbene éanzéa.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

Jacques 1:16

Ana aTéta amôtéma nômbiabômédu.

Jacques 1:19

Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga.

Jacques 1:9

Muana aTéta, ône asaba môma môvôni, eena buedi vabatédu angô na Nzambé.

I Pierre 1:4

Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.

Gétsutsuéô 3:18

T’ebandô nanôbeenda mbe: Nandé na dodo dimakanzô gô soto gôénôtôa totone nyetso. Sômbakani yangô gôndé me, n’anye nôngaba ékiti. Sômbakani dôta na maduani mavembo nôaata mangô gôésomeda yôtô yanyô kabaga nôba na tsoyi éaminyenge. Sômbani na mbôga gôésôga gô miso manyô mapogu mbe mangô mangapoga.