Jacques 2:20 - New Testament in Mitsogo

²⁰ ?Ewe ôgétsumaka paga? ?Onyôngéô me nagôpandoéda‐a? Bonokoye. One eetsa Nzambé môtémedi gémôtsumé paga ivô asaba na ésima ényôngéô Nzambé, angô dôta asaba na tsoongo gôndé Nzambé.

Jacques 2:20 ပူးပေါင်းရင်းမြစ်များ

Romains 1:21

Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.

Romains 3:28

Metso mane, étsinee te édué. Nzambé eena môma ti eembe asaba n’ôési kaka gôgobedangô mige na mitôma miedi, ivô te gôétsangô Jésus môtémedi wetso gétsumé Nzambé paga.

Romains 9:20

Ovénga éwe ndaa ômavangôni? ?Ewe ôsemba Nzambé nayee? Gépedee sakiekie géyanzô na môma géngasemba môyanzine atotone mbe: ?Oyanzi me nane nayee?

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:3

Okô môma amenya mbe: Me nandé ti môma môvôni, tambô te môma abobo, abômédu te amuene.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

I Timothée 1:6

Eekédie adiboe ane, mitéma miaô misaba gô mabégôme matatô mane. T’ebandô andé gôépapatana gémenye gôkeahngô na mavovia maô magébé na tsoongo.

Tite 1:10

Menya mbe gôndéké oma ayekani, ti gandé gô géômbé sAjuif amasinga Jésus, andé akékôani na abôméda akaô gô mavovia maô masaba na tsoongo.

Jacques 1:26

?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene.

Jacques 2:17

Ebégôe te mônongovo na ône avovo mbe: Neetsi Nzambé môtémami wetso. Na ésima éedi ésatubéda nane. Gô mavovia matévo gôsaba tsoongo.

Jacques 2:26

Te mônongovo gandé ôtô mbe ôsaba na modi ôsangadônga. Na môma eetsa Nzambé môtémedi ivô aseenda éne ényôngéô Nzambé, asadônga.