Jacques 2:18 - New Testament in Mitsogo

¹⁸ Tôkanéga n’oma abaé. Môvo avovo na môkedi mbe: Me neetsi Nzambé môtémami wetso gémôtsumé paga. Môkedi mbe: Me va yami kuka nandé n’esima ényôngéô Nzambé. Tubéda me gameetsa éwe Nzambé môtémoo, éwe gédigéé n’esima ényôngéô angô. Ivô me nangagôtubéda ésima éami éamisôba vane éwe ôngayavôga émenya mbe: Odôô amani eetsa Nzambé môtémee wetso gémôtsumé paga.

Jacques 2:18 ပူးပေါင်းရင်းမြစ်များ

Romains 14:23

Ivô gôndé ône andé na paga gô môyakô ôaa angô, angeetsô ôési na Nzambé gôyééyi angô gô paga na gôpukanédi angô mane maNzambé na môyakô. Eetso éyanza môma na mitéma mibaé te éapaga, na te ébégô ébévani.

Romains 3:28

Metso mane, étsinee te édué. Nzambé eena môma ti eembe asaba n’ôési kaka gôgobedangô mige na mitôma miedi, ivô te gôétsangô Jésus môtémedi wetso gétsumé Nzambé paga.

Romains 4:6

Tétasô David amavovo gôébégô éagényônga géena môma vangookô angô mbe, Nzambé aseena mayanzame geena angô môtéma amôma ôsatsuma angô paga. Na amôénda mbe: asaba n’ôési. David angô mbe:

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 9:19

Nôngeevôa me Paul mbe: ?Okô mbe te amuene Nzambé ayanza nane nayee angô atsundéda môma? ?One angoongôa ékina éne ényôngéô Nzambé indaa?

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

Hébreux 11:31

Rahab môgeto agésasô te mônongovo. Ameetsa Nzambé môtémee na asitsumé ngudi yedi paga. Amawedéa na môtéma ômasumani amôgôôe asi Israël amaseta môsenge ndodi. Na Rahab asiwa gamawa akedi muetso ahmakékôa ôgi aNzambé.

Hébreux 11:33

Gômeetsahngô Nzambé mitéma miaô na gositsumé ahngô ngudi na ôgi aNzambé paga amadiia tsengeye dimagenya n’ahngô. Amayanza mane mamanyôngéô Nzambé, na ameetsô éne émavanga Nzambé n’ahngô. Ahngô amakukéga miônya miembungu.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Jacques 2:14

Ana aTéta, ôkô môma eenda mbe: Neetsi Nzambé môtémami wetso gémôtsumé paga. Na ésima éedi ésatubéda nane? ?tsoongone éedi géndé? ?Mavovia medi mangooboo angô‐a?

Jacques 3:13

?Gôndé va gatse anyô môma andé n’eodo n’ebagéa? Atubédé éodo éedi na ébagé éedi gô ésima éedi éamisôba na gô éne éendangô na môtéma ômasumani.