Jacques 2:14 - New Testament in Mitsogo

¹⁴ Ana aTéta, ôkô môma eenda mbe: Neetsi Nzambé môtémami wetso gémôtsumé paga. Na ésima éedi ésatubéda nane? ?tsoongone éedi géndé? ?Mavovia medi mangooboo angô‐a?

Jacques 2:14 ပူးပေါင်းရင်းမြစ်များ

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

LUC TSANGO EAMOSOBA EMATENDA 3:11

Amaabéa ahngô mbe: One andé na ngoyi dibaé, akea akeétsa épo ône asabani. One andé na môyakô, akabéé.

LUC TSANGO EAMOSOBA EMATENDA 6:49

Na ône ookô mavovia mami na asakenea mangô agono na môvo môma amasaa ebedi va ngongo atoto gésigé ôbôgee. Géningôge gémaviga na gémaguua eba. Ebee ômakuéa. Eetso émabungana.

Mayanzame 15:9

Nzambé asatatôa Ajuif n’ane asaba Ajuif. Amagôgéda mitéma miaô gômeetsahngô Jésus miangô gébé na paga.

Mayanzame 8:13

Na amuene Simon ameetsa Jésus môtémedi gôémôsinga na amadiia bateme. Asiaagané na Philippe. Na amagogo ésôbasôbana gômeena angô mane mamisôba mamayanza Philippe masoongôa môma ésupua, te émbégéa éangudi yaNzambé.

Mayanzame 8:21

Ewe ôsaba gô mabégô mema. Na ôkabôe woo ôsaba wangô. Môtémoo ôsaba na tsoongo va mbene aNzambé.

Romains 2:25

Okô éwe Môjuif ôgebeda migemie na mitômamie tambô na gégeetéôge géne sagémbégéa sAjuif géndé na tsoongo. Okô ôsigobeda migemie na mitômamie tambô na gégeetéôge gésaba na tsoongo.

I Corinthiens 15:2

Nôobou gô ngudi yaTsangône Eamôsôba édué ôkô nôsipi gô yangô gamanôékéda me. Okô nôsisipa nômeetsa mitémamie te bobo.

I Corinthiens 16:22

Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 4:8

Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

Tite 1:16

Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 11:17

Gômeetsa Abraham môtémedi wetso na gôndé Nzambé gétsumé mitôma miedi paga amamôgobeda gôédeekeda muanedi Isaac ôgondoku vamakanégu angô na Nzambé. Muanee ône te muanee ovanga aNzambé n’Abraham. Eébéyée nane, Abraham asikékôé ôgi aNzambé gôéyôha muanedi ékika gôémôdeekeda ôgondoku.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Jacques 1:16

Ana aTéta amôtéma nômbiabômédu.

Jacques 2:16

N’anye nôvovo n’edi mbe: Kiaka na gétabé. Onadigaa mônyenge. Buedi te gôéaa. N’anye nôseetsa angô môkanda na môyakô. ?Mavovia manyô mangangutéda angô‐a? ?Mangaatéda angô‐a?

Jacques 2:18

Tôkanéga n’oma abaé. Môvo avovo na môkedi mbe: Me neetsi Nzambé môtémami wetso gémôtsumé paga. Môkedi mbe: Me va yami kuka nandé n’esima ényôngéô Nzambé. Tubéda me gameetsa éwe Nzambé môtémoo, éwe gédigéé n’esima ényôngéô angô. Ivô me nangagôtubéda ésima éami éamisôba vane éwe ôngayavôga émenya mbe: Odôô amani eetsa Nzambé môtémee wetso gémôtsumé paga.

Jacques 2:26

Te mônongovo gandé ôtô mbe ôsaba na modi ôsangadônga. Na môma eetsa Nzambé môtémedi ivô aseenda éne ényôngéô Nzambé, asadônga.

II Pierre 1:5

Butani gôéba môangovo na Nzambé. Vamapanga, nômeetsa Nzambé mitéma mianyô gémôtsumé paga. Vane gényôgani gôékôndéga éôdo éamôanga amôsôba.