9 Muana aTéta, ône asaba môma môvôni, eena buedi vabatédu angô na Nzambé.
Amasendoa atômie andé digaa gô édigaa éokumaka. Amabatéda môma abobo na gô tungune éokumaka.
?Anye nônyôngéô étsôkéa-a? Tsinôénda mbe nômbiatsôkéa gôgobedu anye n’edidi ébévani, ivô ootéani étsôkéa gômatendu miname manyô gô migandamie miag’ôba.
Endé te nane. One aabatéda amuene, angasugédu. Na ône aasugéda amuene angabatédu.
Jésus amanigôa aneengie mbe: One agobeda viana gandé évi gô inami, agobedi te na me. Na ône agobedi me eembe agobedi te na ône amatôma me. Menyani mbe va gatse anyô, ône ootéa éasugéda amuene, pene te angô.
Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.
Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.
Te gakea me pita gôébuéa v’ekôdéô buta mbe nadiia g’ôba éne éamôsôba émakônzéô me na Nzambé ône amabambéa me gô ngudi yaJésus‐Christ.
Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.
Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.
Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.