Jacques 1:6 - New Testament in Mitsogo

⁶ Ivô buedi mbe môma aduké na môtémee wetso, gébé na buétsé. One atsuma paga, agono na miyôkiyôki miamubu miyôkimédu n’opunga na gésa na gésa.

Jacques 1:6 ပူးပေါင်းရင်းမြစ်များ

Matthieu 14:28

Ivô Pierre amavovo n’edi mbe: Kumu, ôkô mbe na gô pie te éwe, bambéa me nayeta va ngongo ameba naviwanyéda éwe.

Mayanzame 10:20

Timôgaka. Sutuméa na gô môgényée agô tsina. Ombieena panda gôékea n’agendee. Te me Nzambé natômi ahngô na gôndé éwe.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

I Timothée 2:8

Nanyôngéô mbe gô tsengeye yetso, amôgôô atômba mogo maô gôévovo na Nzambé. Avove na Nzambé na mitéma mimagôgéani gébé na ôpisa, na gébé na matasa mamasaganédana.

Hébreux 10:23

Tôsimbédéni pepe éne étôtendédani na éne étôéékédani. Tôsoongôa étsuma paga gôndé Nzambé na éne émavangéa angô wa n’anyô.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Jacques 1:7

Gôndé mômane amônongo ône gôédiia éne éduki angô Kumu, géndégégé.

Jacques 5:15

One eetsa Nzambé môtémedi wetso gétsumé ngudi yedi paga vadukangô, môduké wedi ôdôngéda môbeeyi. Kumu atimôa angô na ébévee éedi ésingéô kokoo.

II Pierre 2:17

Eekédi adiboe ahndé ga mbéyi disaba na meba. Ahndé ga dibôngé ditsuaô n’opunga. Nzambé amakônzéa ahngô tungu éevitsi éabangata.