Jacques 1:5 - New Testament in Mitsogo

⁵ Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu.

Jacques 1:5 ပူးပေါင်းရင်းမြစ်များ

Matthieu 11:20

Jésus amabandôa ésemba asi dipo mbôka. Ameetsa oma tsembô ane ameena mayanza medi mamisôba masoongôa môma ésupua na ahngô asiesédé anguene, asikoé mitéma miaô. Jésus amavovo mbe:

Marc 16:14

Na vane Jésus amatsutsuga na gôndé nzima aneengi na môneengi môvo vamadigaahngô gôéaa. Jésus amasemba ahngô gômatsumahngô paga gô disôba yaô. Amoomba éahsemba gômakékôahngô tsangôye yane ahmeena Jésus na amabeenda akaô mbe: Akundugi.

Jean 14:13

Ene édukanye me gôéénda, me nangeenda gômbe Téta angakumédu gô ina aMuanedi.

Jean 15:7

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Jean 4:10

Jésus amamônigôa mbe: Mbe ômenyiki éne éndé na Nzambé gôégôétsa, na mbe ômenyiki ône agôduki meba manyuakaga, éwe mbe te ômôdukini. Angô mbe te agôétsi meba meetsa monyo.

II Corinthiens 2:16

Gôndé ane andé gô nzéa éebungana, amenya mbe mbôngane te éowa, na éngeetsa angô ôwa. Gôndé ane andé gô nzéa éamonyo, asabômu mbe te mbôngane ényepeda monyo na éétsa monyo. Oô mônongo eébégô. ?One angoongôa édugéda ébégôe éne indaa?

Jacques 1:17

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 5:16

Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.