Jacques 1:27 - New Testament in Mitsogo

²⁷ One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Jacques 1:27 ပူးပေါင်းရင်းမြစ်များ

Matthieu 12:32

One eenza me, Muana Amôma, andé na ngudi yesingéô kokoo. Géé, ône eenza Gédidi SaNzambé asangasingéô kokoo buéyé bandôa ndéô nedué ngu na gô ndéô évigani.

Matthieu 5:8

Ti gô gényônga géndé n’anye nondé na mitéma mimagôgéani. Anye nôngeena Nzambé.

LUC TSANGO EAMOSOBA EMATENDA 1:6

Zacharie na Elisabeth amagobeda Nzambé gô mabégô metso. Ahsikékôé ta n’ebégô évo ématsikéô ahngô gô mitômamie na gô mige miaKumu Nzambé.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 2:13

Nzambé asanyôngéô ane ookô mabégô medi na matô matévo. Anyôngéô te ane ookô na agobeda mangô metso gamakitsa amuene na gamatôma amuene Nzambé.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Galatie 3:11

Béyé nane éndé ti na vede mbe Nzambé aseena môma ti eembe asaba n’oési te gô ngudi yamige miaNzambé mikenea angô gôébégô Matendeo MaNzambé matônigôa mbe: One andé va mbene aNzambé gétsumé ngudi yedi paga te ône andé na monyo.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:14

Gôndé me tsanyemôga gô éne ébégô buétsé te gésumuge sowa gémayôhu Kumu asô n’anyô Jésus‐Christ. Gôébégô éagésumu sedi sowa, éôma éetso éatsengene éndé ga sôma gémabooni gôndé me. Na gô mane matsengene, tsôvé yami dimawa gô mangô.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 5:4

Okô môkué andé n’ana, na ana anedi, buedi mbe ana apangé étubéda étondo éaô gôndé Nzambé vakeneahngô ône waô. Gô éne, ana anikéda éne émeetsô ahngô g’ôanéngée waô n’iyee yaô. Nzambé anyôngéô te nane.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 3:9

Omeni te ône ôneegeda we Kumu na Téta éasô n’anyô Nzambé. Omeni te ône ôkoko we oma n’asô n’anyô amavangô na Nzambé gô gégoni sedi.

Jacques 4:4

Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé.

II Pierre 1:4

Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

II Pierre 3:14

T’ebandô, anami amôtéma vavéngéa anye gényôgani gôédenganô na Jésus gébé n’etodi, gébé n’oési, gôédenganô n’edi n’evamba éagétabé.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.