Jacques 1:22 - New Testament in Mitsogo

²² Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô.

Jacques 1:22 ပူးပေါင်းရင်းမြစ်များ

Matthieu 12:50

Menyani mbe aneya vo iya te ane eenda éne ényôngéô Téta, ône andé g’ôba.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

LUC TSANGO EAMOSOBA EMATENDA 11:28

Ivô Jésus amanikéda mbe: Eébéyée nane, me nanôbeenda mbe, ti gô gényônga géndé na anye nôôkô ôgi aNzambé na nôgobeda angô.

Jean 13:17

Anye nômani énigôgéô ébégô édué. Okô nôéndi éangô nôngaba na gényônga.

Romains 2:13

Nzambé asanyôngéô ane ookô mabégô medi na matô matévo. Anyôngéô te ane ookô na agobeda mangô metso gamakitsa amuene na gamatôma amuene Nzambé.

I Corinthiens 15:33

Tômbiabômédu. Mavamba mabévani mabévéda midigédi miamisôba.

I Corinthiens 3:18

Nôkenea kabaga môma abômu amuene. Okô môvo va gatse anye amenya mbe andé n’eodo gakegea éodo éatsengene asugédé amuene mbe: tsaba n’eodo, na vane angadiia éodo éapie.

I Corinthiens 6:9

Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.

Galatie 6:3

Okô môma amenya mbe: Me nandé ti môma môvôni, tambô te môma abobo, abômédu te amuene.

Galatie 6:7

Nômbiaba n’odungé gôébômu. Menyani mbe Nzambé asasekuku. Ene égaaba môma te éne éngakenea angô.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

Jacques 1:26

?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.

Jacques 4:17

One asabômu éénda mane mamisôba ivô aseenda mangô, angô eenda mane mabévani.

II Pierre 2:13

Maguga matubédahngô akaô, anguene ahngavéndu mangô. Eekédi adiboe eena gényônga gôédeekeda yôtô yaô gô tsôvé yetso dibévani n’omanda ôvénza. Te ebégô évôni éatsoyi vadenganô ahngô gô suetiye yanyô. Gô buembe waô ahtsôkéa.

I Jean 1:8

Okô tôénda mbe: Me tsaba na ébéva, tôbômu ti bômugu. Na mane mapie masaba gô mitéma miasô n’anyô.

I Jean 2:3

Okô tôkenea mitôma na mige miaNzambé vane tôtubéda mbe tôsabômu Nzambé.

I Jean 3:7

Anami nômbiasinga môma abômédu anye. One eenda mane meetsimama andéké môsi mbumu éaNzambé amatsimamani.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 22:7

Jésus angô mbe: Oôkôni édué. Me nangôône. Naka gôpégôpé gôéviga. Ivô tsabadô gô nzéa, naka ti v’ombaa. Ti gô gényônga géndé n’anye nôgobeda miganda miemi na Ogie ôtônigôa gô miangô mane mangabuéani.