Jacques 1:21 - New Testament in Mitsogo

²¹ T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.

Jacques 1:21 ပူးပေါင်းရင်းမြစ်များ

Matthieu 5:5

Ti gô gényônga géndé n’anye nôsaba na nyemo. Nômeetsô tsinane nyetso na Nzambé ôbiia.

Jean 6:63

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Jean 6:68

Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô.

Mayanzame 10:33

Me tsidingé étôma oma gôéwanyéda éwe. Na éwe ôsikina éviga. Nôeni, we tôangôaa. Tôndé muetso va mbene aNzambé gôéôkô éne émabeendu éwe na Kumu gôénigôa we.

Mayanzame 13:26

Amôgôô, ana aTétee n’ami ana aAbraham, n’anye muetso nôneegeda Nzambé na gomo. Mabégôme mane magéobogeo mamakudégu gôndé wa n’anyô.

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

I Corinthiens 15:2

Nôobou gô ngudi yaTsangône Eamôsôba édué ôkô nôsipi gô yangô gamanôékéda me. Okô nôsisipa nômeetsa mitémamie te bobo.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Ephésiens 1:13

Anye asi Ephèse nômookô Tsangô Eamôsôba éaJésus‐Christ, yangô te meekédu mapie manônigôa géôbogeo. Vamookô anye nômeetsa Christ mitéma mianyô gébé na paga. Na vane Nzambé amatôéémba ndémbô étubéda inedi. Ndémbône te Gédidi sedi sovanga ômavanga angô mbeego.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Ephésiens 4:25

T’ebandô nanôtôma mbe: Sasani diboe. Buedi mbe môma na môma avové na môkedi mane mapie. Gôébégô tôndé muetso éeme éamôkuba ôvo.

Ephésiens 5:4

Na dôta ésanyepa gôndé anye gôévovo mabégô madibuanya, na mavovia masagô. Ivô vovoni te disambô ditévo gôékuméda Nzambé.

1 Thessaloniciens 1:5

Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

Tite 2:11

Menya mbe Nzambé amatsutsuéda ngeba yedi gôéoboo oma muetso.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Hébreux 4:2

Gôébégô wa n’anyô tômani éékédu Tsangô Eamôsôba mônongovo gameekédu ane amakénga gô tsenge émagasani. Buéyé vamookô ahngô yangô ésibé na tsoongo gô mitéma miaô te gôsiwanyé yangô na môténdéda gô mitéma miaô.

Jacques 4:8

Weseani na gôndé Nzambé gôévamba n’edi, na angô angawesea na gôndé anye. Ovôakani mogo manyô oma abévani. Gôgédani mitéma mianyô, anye anyepi amiônya.

Jacques 5:20

Menyani mbe ône anôtôi môkedi gô nzéane ébévani éne émabakangô mbe akea gôémônikéda na gô éne éapie, ooboi môkedi g’ôwa, na ébévee éyékani ésingéyiô kokoo.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 1:9

Ene ébutanye te géobogeo sedidi éanyô. Nôndé gôédiia sangô veetsanye mitéma mianyô gébé na paga.

I Pierre 2:1

Viiani ngima ésima ébévani éetso. Te diboe na enyepa éamônya na ngusu na matsuavi metso.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.