Jacques 1:19 - New Testament in Mitsogo

¹⁹ Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga.

Jacques 1:19 ပူးပေါင်းရင်းမြစ်များ

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Marc 12:37

Jésus angô mbe: Amuene David amateta môma nône mbe: Kumu ami. ?Mbe muanedi angamôénda mbe Kumu ami nayee? Géômbé gévôni soma amookô Jésus na gényônga gévôni.

Marc 2:2

Pingô oma ahmabaka na mbanzambanza bandôa v’ombaa na gô mbadi. Jésus ameekéda ahngô tsangô éaNzambé.

LUC TSANGO EAMOSOBA EMATENDA 15:1

Abongi adepu n’avo oma abévani amaviga na gôndé Jésus gôéôkô gamavovo angô.

LUC TSANGO EAMOSOBA EMATENDA 19:48

Ivô ahmatsapéô gôémôtsôpa géenanô n’oma. Oma muetso amanyôngéô éôkô meekédu maJésus na amadigaa na vôôka.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

Mayanzame 10:33

Me tsidingé étôma oma gôéwanyéda éwe. Na éwe ôsikina éviga. Nôeni, we tôangôaa. Tôndé muetso va mbene aNzambé gôéôkô éne émabeendu éwe na Kumu gôénigôa we.

Mayanzame 13:48

Vamookô ane asaba Ajuif ookô ôgie ône amatsôkéa na amakuméda Kumu na Mane Mamavovo angô. Muetso ane amasevou na Nzambé gôédiia monyo ôsakôdéakani amakoa matasa maô gôétsa Nzambé mitémamie.

Mayanzame 17:11

Mitéma miasi Bérée misibaké gandé mine miasi Thessalonique. Asi Bérée amanyôngéô éôkô Mane Mamavovo Nzambé, ti nyôngéô. Pitsi yetso amavasa Matendeo MaNzambé gôéwanyeda meekédume maPaul na mane mamatendu na mbeego, ôkô mbe mandé te kuanakue.

Mayanzame 2:42

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Ephésiens 4:26

Okô nôôkô ôpisa nôwema kabaga nôkuésédu na angô gô mabégô mabévani. Nômbiadigaa n’opisa môsee amôbongo.

Ephésiens 4:31

Patsani gôdagôda n’anyô matasa metso na mavovia manyô manganye na pigaga, n’opisa. Nôtôgani gô mindônga na matoki. Aaganani n’ebévee éetso.

Colosses 3:15

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

Colosses 3:8

Géé deo noo, kinani na viiani ngima mabégôme mane. Mangô te ôpisa na bôvingô, n’obagaa. Nômbiasinga gô miônya mianyô gôkusa mavovia madibuanya na matoki.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

Jacques 1:16

Ana aTéta amôtéma nômbiabômédu.

Jacques 1:2

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni.

Jacques 1:26

?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene.

Jacques 2:1

Ana aTéta agô mbumu éaNzambé anye nôétsi mitéma mianyô na gôndé Jésus‐Christ Kumu agéneega setso. Nônatatôa oma gô nzoh amôkanda vo go ényepa éamôkanda.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

Jacques 3:10

Gô mônya ôvo gôkusa mavovia mamate na mane mamikokou. Ana aTéta mbe ésibaké nane.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.

Jacques 5:12

Ebégô évôni ana aTéta, nômbiasongéa misongia. Nômbiasongéa ôba. Nômbiasongéa tsina. Nômbiasongéa ta na môsongia ôvo. Ene ésinganye, singani mbe: Ii. Ene ékinanye, kinani mbe: Aé. Kabaga nôkuyaméa gô môtsundu aNzambé.

Jacques 5:19

Ana aTéta, ôkô mbe môvo va gatse anyô amaagana na mabégô mapie, buedi mbe muene amônikédé na gô mangô.

I Jean 2:21

Me nanôtendéa kaka mbe nôsamenya mane mapie, te gôébégô anye nômamenya. Anye nôsabômu mbe gô mane mapie gôsakusa ébégô éoboe ta n’evo.