Jacques 1:16 - New Testament in Mitsogo

¹⁶ Ana aTéta amôtéma nômbiabômédu.

Jacques 1:16 ပူးပေါင်းရင်းမြစ်များ

Matthieu 22:29

Jésus amaabéa ahngô mbe: Anye nôbômu te gôsamenyanye Matendeo maNzambé na gôsamenyanye ngudi yaNzambé.

Marc 12:24

Jésus amaabéa angô mbe: Anye nôbômu. ?Gôébégô ndé me navovi mbe anye nôbômu‐a? Te gôébégô anye nôsamenya Matendeo MaNzambé. Buéyé na ngudi yaNzambé nôsamenya yangô.

Marc 12:27

Nzambé te Nzambé ane adôngani, kaka Nzambé ane amawani. Anye nobômu ti bômugu.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

I Corinthiens 6:9

Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.

Galatie 6:7

Nômbiaba n’odungé gôébômu. Menyani mbe Nzambé asasekuku. Ene égaaba môma te éne éngakenea angô.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

Philippiens 4:1

Endé te nane, ana aTétee amôtéma, me nookô anye ti tsôvé. Gôébégô anye nôkasôgéda me. Me nanyemôga dôta gôndé anye na gényônga. Namani énônigôa gasipa môma gô monyo ôdigaangô na Kumu Jésus.

Colosses 2:4

Navovo n’anye nane te kabaga môma aviga gôébôméda anye na mavovia mabuembe.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

II Timothée 2:18

Anguene amadimbanéô nzéane éamabégô mapie, na aduta oma ayekani gôégéngôgéda mbe atsika mabégô mapie. Avovo n’ahngô mbe: Nyaa agékundugéô sowa ômamana éôta.

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

Jacques 1:19

Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga.

Jacques 1:2

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni.

Jacques 2:1

Ana aTéta agô mbumu éaNzambé anye nôétsi mitéma mianyô na gôndé Jésus‐Christ Kumu agéneega setso. Nônatatôa oma gô nzoh amôkanda vo go ényepa éamôkanda.

Jacques 2:14

Ana aTéta, ôkô môma eenda mbe: Neetsi Nzambé môtémami wetso gémôtsumé paga. Na ésima éedi ésatubéda nane? ?tsoongone éedi géndé? ?Mavovia medi mangooboo angô‐a?

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

Jacques 3:1

Ana aTéta agô mbumu éaNzambé mbe gôsibaké va gatse anyô ayekani eetsi andongi. Nôsabômu mbe, we eekédi, môtsundue asô ôngavasô gô mabégô metso.

Jacques 3:10

Gô mônya ôvo gôkusa mavovia mamate na mane mamikokou. Ana aTéta mbe ésibaké nane.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.

Jacques 5:12

Ebégô évôni ana aTéta, nômbiasongéa misongia. Nômbiasongéa ôba. Nômbiasongéa tsina. Nômbiasongéa ta na môsongia ôvo. Ene ésinganye, singani mbe: Ii. Ene ékinanye, kinani mbe: Aé. Kabaga nôkuyaméa gô môtsundu aNzambé.

Jacques 5:19

Ana aTéta, ôkô mbe môvo va gatse anyô amaagana na mabégô mapie, buedi mbe muene amônikédé na gô mangô.