Jacques 1:14 - New Testament in Mitsogo

¹⁴ Ivô môma akanégu vadutu angô na gényônga samane mabévani mookô angô tsôvé. Akuba te gô mane manyimangô.

Jacques 1:14 ပူးပေါင်းရင်းမြစ်များ

Matthieu 15:18

Ivô mane makusa gô mônya amôma maviga gô môtémedi, na te mangô mabévéda môma.

Matthieu 15:20

Nôeni mane makoa môma aka môbévani te mangô éma. Môma asoongôa ébévédu na môyakô ôaa angô buéyé mbe asôvôyée mogome ga ovôu mangô gô ésôgee.

Matthieu 4:1

Gédidi SaNzambé gématôma Jésus gôékea na gô tsenge émagasani mbe akekanégu na yabédé.

Matthieu 5:28

Ivô me nanôbeenda mbe muetso abono môgeto na tsôvé gôékea n’edi gésasô, amani ékea n’edi gésasô gô môtémedi.

Romains 7:11

Mabégô mabévani mamabômédu me. Te mangô meeséda me gô mige na mitôma miaNzambé na mameetsa me tsôgôô éowa.

Romains 7:13

Tambô éne ényepani ?éôngôa ékoga éka ébégôe éowa gôndé me-a? Aé, ésangoongôa ékoga. Ebandôe eebégôe te ébéva ámôtéma amôma. Minongomie mietso mibévani mindé na mabégô mabévani mienanô gôwanya mabégôme na mige. Mabégô mabévani mamabévéda ényepa émabaka na mige miaNzambé gôétsigéda me na g’ôwa. Ebéva éamôtéma amôma ébévéda ti v’ekôdéô abévaga.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Hébreux 3:13

Kasôgédanani anyene n’anyene pitsi yetso gô ndéô nedué, éne ééndô na Matendeo MaNzambé mbe: deo noo. Na te éne éôkô anye ôgi aNzambé ôvovo n’anye. Gômbe gôsangaba ta na môvo va gatse anyô angasingana na mabégô mabévani gôéba na pogu, na ndiba, na môtéma oodoni gôékina mane manyôngéô Nzambé.

Jacques 1:13

Vakanégu môma asoongôa éénda mbe: Te Nzambé akanégi me. Nzambé asakanégu na mane mabévani. Na amuene asakanéga môma.

Jacques 1:15

Mônongovo gatsua môgeto émé évunda, na abôta te muana. Te mônongovo ga môtéma amôma ôtsua ényima ébévani na ôbôta te ébéva. Ebévee évunda, na ékôdéô éangô te ôwa.