Jacques 1:12 - New Testament in Mitsogo

¹² One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

Jacques 1:12 ပူးပေါင်းရင်းမြစ်များ

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

LUC TSANGO EAMOSOBA EMATENDA 6:22

Ti gô gényônga géndé n’anye vadudanô anye n’oma gôébégô éami, me Muana Amôma. Tsôkéakani ôkô oma anôkina, na anôbuanya, na anôdeta mbe anye oma aJésus nôsanyepa.

Romains 5:4

Obibo na môvinéné dôta ôtsigéda we ngudi gôédiia gô mane makanégu wa n’anyô kabaga tôtsedu gô mangô. Na vadiia wa n’anyô gô éne ékanégu wa n’anyô, éne éténdéda wa n’anyô éngeenanô.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

I Corinthiens 2:9

Te gatônigôu gô Matendeo MaNzambé mbe: Ene émakônza Nzambé gôndé ane ahndé n’edi môvo n’etondo, Te éne madeo ésienanô na môma, na ésiôkanô na môma. Na dôta éne ésivakô na môma gô môtémedi.

I Corinthiens 8:3

Ivô ône andé n’etondo gôndé Nzambé, Nzambé angamômenyeda metso.

I Corinthiens 9:25

Eendi amatséva atôma yôtô yaô, na akanéga étséva gôéekeganédu ôtôe. Metso mane madagani eenda mangô gôédiia môsenda apitsi épo. Géé wa n’anyô, tôgenyôgéni yôtô yasô n’anyô gôédiia môsenda amôbô na môbô.

II Timothée 2:15

Ewe Timothée, gényôga gôéétsô na Nzambé ôséngu ôétsô môyanzani asaba na tsoyi gô éyanzee éedi gôébégô eekéda ti kuanakue Mane Mamavovo Nzambé mandé n’edi.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 10:32

Bangôani mane mamabuéa gôndé anye. V’ebandô vameengéa gévede saNzambé na gôndé anye nômeena ti maguga mavôni, ivô nômasipa gétsiké gévedege.

Hébreux 11:17

Gômeetsa Abraham môtémedi wetso na gôndé Nzambé gétsumé mitôma miedi paga amamôgobeda gôédeekeda muanedi Isaac ôgondoku vamakanégu angô na Nzambé. Muanee ône te muanee ovanga aNzambé n’Abraham. Eébéyée nane, Abraham asikékôé ôgi aNzambé gôéyôha muanedi ékika gôémôdeekeda ôgondoku.

Hébreux 12:5

?Mabégô mamavovo Nzambé gôétôkasôgéda, anye nômeeba mangô‐a? Ogi aNzambé gôndé wa n’anyô anedi te mbe: Muanami, gésisédéô géétsiô éwe na Kumu, kaka sayeese. Ombiena tsoyi vasembu éwe na Kumu,

Hébreux 6:15

Abraham amabaka na môvinéné gôéenéa ôvangee ômavangéô angô na Nzambé. Na amoodiia.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

Jacques 5:11

Tôsabômu mbe ane ahmabibédani eena gényônga. Nômamana éôkô tsangô éaJob gamabakangô na ôbibô, na môtéma ômasumani. Nôsabômu éne émeetsô angô na Kumu v’ekôdéô. Kumu andé ti na ngeba épôni na tsôvé oma.

I Pierre 3:14

Buéyé mbe nane, vangeenanye maguga gô mane meendanye mamisôba, tsôkéani. Nômbiasinga oma eetsa anye gomo na mikebanganô.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

I Pierre 4:14

Tsôkéakani. Eenani gényônga ôkô môma anôtoko gôndé anye oma aChrist. Gôébégô Gédidi géndéké n’anyô te géne sondômba aNzambé.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

I Pierre 5:4

Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.

I Jean 4:19

Enyônganéô éndé n’asô n’anyô, mapangame te Nzambé amapanga ényôngéô wa n’anyô.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 3:19

Nanôsiséda na nanôtsimaméda te gônyôngéô me anye. Buta mbe géviôviô sanyô géenanô, eesédani anyene gôéviia ngima ébévee éanyô na nikani na gôndé me.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.