I Timothée 6:5 - New Testament in Mitsogo

⁵ T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

I Timothée 6:5 ပူးပေါင်းရင်းမြစ်များ

Matthieu 12:33

Okô ônyôngéô édiia miônda miamisôba ôkenea te géétété samôsôba. Okô ôkenea géétété gébévani ôngaba na miônda mibévani. Géétété gémenyanganô te gô mônongoe amiôndamie mibôta sangô.

Matthieu 21:13

Vane Jésus amanigôa ahngô mbe: Matendeo MaNzambé matôbeenda mbe: Ebami ôngamenyanganô mbe eba ôsambédu Nzambé. Ivô anye nôkoyi eba ôdôô ôka gésoméô seesui.

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

I Corinthiens 11:16

Gôndé ane anyôngéô étsumana paga gô ébégô édué, apangé éôkô édué. Gôndé wa n’anyô asi mbumu éaNzambé, édué kaka môtôma, ivô te mônongoe asô n’anyô gô eba aNzambé.

II Thessaloniciens 3:6

Ana aTétee n’ami asi mbumu éaNzambé, gô ina aKumu Jésus‐Christ tônôbeenda mbe: Nômbiavamba n’asi mbumu éaNzambé andé na gésima sadakadaka na asagobeda meekédume mamatôékéda angô.

I Timothée 1:6

Eekédie adiboe ane, mitéma miaô misaba gô mabégôme matatô mane. T’ebandô andé gôépapatana gémenye gôkeahngô na mavovia maô magébé na tsoongo.

I Timothée 3:3

Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti.

I Timothée 3:8

Gôndé ane ameetsô ényangee gôéwedéa asi mbumu éaNzambé te mônongovo. Abaké oma esima éamisôba, kaka na miônya mibaé. Abaké gébé na gésima senyua maduku mayekani. Abaké môma asayanza na buembe gôédiia dode.

I Timothée 4:7

Ivô, kina matangôtangô masanigôa mane mapie na mapengana na mabégô maNzambé. Gényôga gôévamba na éne ényôngéô Nzambé.

I Timothée 4:8

Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

I Timothée 6:6

Na gô pie, wa n’anyô tôgobeda Nzambé tôndéké n’okiti ôvôni. Ivô ôkitie wasô n’anyô amapanga te vasanyima we éôma éyekani.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

II Timothée 3:8

Gameenda Jannès na Jambrès pégôani na Moïse, te gangeenda omee adua pégôani gô mabégôme mane maNzambé mapie. Angô te oma amatasa mamagéngôgani. Gô mabégô manzéa éaJésus étôkéani édué eenda te makanégéda.

Tite 1:11

Ibéda ahngô miônyamie mbe akôda gôébégô andé gôéyungéda mbumu amôbongo gômeekédahngô mane masaba kuanakue gôéékédu. Eékéda nane te g’ônzôô adode gôédidiia gô mangônzô maô.

II Pierre 2:15

Amanôtôga gô nzéa éetsimama. Ahmaanda nzéane émakea Balaam, muana aBosor, ône amanyôngéô ôkiti ôngadiiangô gô mayanza medi mabévani.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

Jude 1:11

Odoku aNzambé ôndéké gôndé ahngô. Amani ésevoa nzéane émakea Caïn. Gameenda Balaam dôta g’ônzôô okitii, ameedeekeda anguene mane mapengana na matasa maNzambé. Agono dôta na Coré. Na angawa gô gékékôéô saô gamawa Coré.

Gétsutsuéô 18:13

Na évo ékôta te éôma égésu gô môyakô gôéonyepeda, étetu mbe épices. Na évo ékôta te miyombo na sôma sambônga amôsôba gétumbukuni, na maduku na madi na mivo miyakô, na tabaye na nyama ditsua oma, na dôtôye, na avéga na buéyé monyoe amôma, ayôkôe asômba na asômbéda.

Gétsutsuéô 18:3

Gôébégô amanyuéséda asi tsengeye yetso gébungu sedi. Gébunguge sedi te sagésasô. Atômi atsenge yetso ahmakea n’edi gésasô. Ayôkôe amaviga gô tsengeye yetso ahmakôndéga dikitie yaô gô ôkitie wedi agékôdé na gô gésasôge sedi sagédundé.