I Timothée 6:4 - New Testament in Mitsogo

⁴ menyani mbe ahngô éékéda te gô nyemo étévo. Asamenya ébégô n’ébégô. Andé na tsôvé ébévani yétsumana paga na yésaganédana gôébégô éamavovia. Vane te vabandôa ngusu na masaganédana, na dibuanya na matasa mabôvingô.

I Timothée 6:4 ပူးပေါင်းရင်းမြစ်များ

Mayanzame 15:2

Gô ébégôe éne Paul na Barnabas ahsinyôngéô gamavovo ahngô. Te gamasaganédana ahngô. Muetso amavangana mbe: Anye Paul na Barnabas n’avo dôta asi Antioche, kiakani na gô Jérusalem. Nôkevovo ébégôe éne na peeye yambumu éaNzambé na dôta n’ane amatômukuni.

Mayanzame 18:15

Ivô éne ésundanye éne, te mavoviame, te miname, na te mige mianyô. Ebégôe éne te éanyene. Me nakina étsundéda mônongoe ebégôe éne.

Mayanzame 8:9

Gômabaka mômôgôô môvo, inedi Simon. Amabaka na mbeego gô môsenge ône. Amayanza étsutsuku na mavétô. Amanyôngéô mbe asi Samarie asôbasôbana na aséngaka angô ôséngu. Amanyemôga mbe: Me te môma môvôni.

Romains 12:16

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 14:1

Singani muana aTétee n’anyô môsi mbumu éaNzambé gôévamba n’anyô buéyé mbe angô madeo asioodo gô mabégô maNzambé mameetsangô môtémedi. Ombiamôsemba gô mônongoe wedi.

Romains 2:8

Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

I Corinthiens 11:16

Gôndé ane anyôngéô étsumana paga gô ébégô édué, apangé éôkô édué. Gôndé wa n’anyô asi mbumu éaNzambé, édué kaka môtôma, ivô te mônongoe asô n’anyô gô eba aNzambé.

I Corinthiens 11:18

Me Paul namabeendu mbe vawanyanye asi mbumu éaNzambé, nôndé éômbé épenganani nôsaba n’evamba. Namenya mbe te na gô pie éndé te nane.

I Corinthiens 3:18

Nôkenea kabaga môma abômu amuene. Okô môvo va gatse anye amenya mbe andé n’eodo gakegea éodo éatsengene asugédé amuene mbe: tsaba n’eodo, na vane angadiia éodo éapie.

I Corinthiens 3:3

Endé te nane gôébégô anye nôgédigaaka gadigaa oma atsengene ahsavamba na Nzambé. Gô ngusune eendanye na gô masaganédame meendanye nôtubéda mbe, tôndé oma atsengene na tôénda mônongovo geenda oma muetso, ane ahsavamba na Nzambé. ?Ene te kuanakue‐a?

II Corinthiens 11:20

Nôsabômu metso ?nayee nôsinga avo aviga na vandé anye gôénôtôma ga avéga? Na anôtsogeda bobo, na anôbôméda na anôbono va tsongo eeso gôédeta anye, na anôkunéga. N’anye nônyôngéô eekédi amônongo ône.

Galatie 5:15

Okô nôdigaa gadigaa nyama yagô pindi, nôbetana, nôbévanédana, wemani kabaga nôbunzana anyene n’anyene.

Galatie 5:26

Tômbiaba na dienza. Tômbiakambôganéa wa n’anyôene na wa n’anyôene. Tômbianyimana wa n’anyôene na wa n’anyôene gôébuta géneega sabobo.

Galatie 6:3

Okô môma amenya mbe: Me nandé ti môma môvôni, tambô te môma abobo, abômédu te amuene.

Philippiens 1:15

Na gô pie va gatse eekédie gôndéké avo andé gôénigôa Tsangô éaChrist gô tsingayi éangusune éenangô me. Ivô gôndé ayekani eekéda na mitéma miagényônga.

Philippiens 2:14

Indakani metso mane gébé na mikebanganô na gétsumané paga.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

II Thessaloniciens 2:4

Môdudeo nône angaboa nyemo mbe: Mane maneegedanye mane, masaba na tsoongo. Me nootéa mane maNzambé metso. Gô eba ôneegeda Ajuif Nzambé, môdudeo nône angadigaa gô tsongo éadisambô éndé gédigaa saNzambé. Na angeenda mbe: Me te Nzambé.

I Timothée 1:4

Dékéda ahngô mbe: Nômbiapakéda matangôtangô mbe te mabégô mapie. Nômbiatanda bikudumie misaba n’ekôdéô, miangô mituba te masaganédana. Môma asangatubédu nzéa éagéobogeo gô miangô. Adenga nzéane te veetsangô Nzambé môtémee gémôtsumé paga.

I Timothée 1:7

Anyôngéô émenyanganô mbe eekédi avôni amitôma miaNzambé, tambô, anguene asanigôgéô mane mavovo ahngô magénongo.

I Timothée 3:6

Nômbieetsa ényangee gôndé môma akogi n’atsatsee gôndé Jésus‐Christ kabaga aboa nyemo na kabaga éesédu gameesédu yabédé.

II Timothée 2:14

Natôma éwe Timothée mbe: Bangôéda na ikéda oma va miso maNzambé mbe asasaganédana gô mavoviame na mavéndégéôme. Masaganédame mamônongo ône madaga na mapatsa ane ookôni.

II Timothée 2:23

Kina éaa mitangôtangô miadiyunga. Osabômu mbe miangô mikôdéa te gô masaganédana.

II Timothée 3:4

Angaba asi gévééa na buembe. Asangasinga ndongi. Angakaaô na bôpeeo. Angootéa ényôngéô migangu miatsengene na asanganyôngéô mane mamuene Nzambé.

Tite 3:9

Tongonéa na masaganédame goégônga mangô. Masaba na tsoongo. Mangô te bikudu mitongoni miambeego, na misoso, na paga ditsuma môma gô mitôma na mige miaNzambé. Vadigaa môma gôévovo mangô, atsogo te bobo, gébé na tsoongo.

Jacques 1:19

Ana aTéta amôtéma, bangôani ébégô édué. Buedi mbe môma na môma abaké na vôôka gôéôkô. Na abaké géyavôgé ésiia. Na géyavôgé ékambôga.

II Pierre 2:12

Ivô eekédi adiboe ahgono na nyama yagô pindi diinda minongo miaô mimeekaganô n’ahngô. Nyamaye dine dimabôtu te gôétsôpu na gôéyôhu. Eekédi adiboe ahbuanya mabégôme masookô ahngô. Ahngô angabunganédu ga nyama yagô pindi.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.

Jude 1:16

Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Gétsutsuéô 3:17

Anye nôvovo mbe: We tôndéké ékiti na tôka mindômba. We tôsabuta sôma. Tambô, nôsamenya mbe anye te oma abobo na amaguga. Nôsaba na tsoongo. Nôndé ti misuga na minyenge na asi pogu.