I Timothée 6:21 - New Testament in Mitsogo

²¹ Avo andé na géneengage géne, ivô amatongonéa na nzéa éaJésus étôkeani édué. Nanyôngéô mbe mate maNzambé mabaké gôndé éwe.

I Timothée 6:21 ပူးပေါင်းရင်းမြစ်များ

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

Romains 16:23

Gaïus, kumu eba ôdigaa me, na ôwanya we asi mbumu éaNzambé anôkômbôa. Na Eraste môkenene adodeye yamôsenge ôdôô anôkômbôa. Na dôta muana aTétee Quartus anôkômbôa. [

Colosses 4:18

Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô. Te mbe mate maNzambé mabaké gôndé anye.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 1:6

Eekédie adiboe ane, mitéma miaô misaba gô mabégôme matatô mane. T’ebandô andé gôépapatana gémenye gôkeahngô na mavovia maô magébé na tsoongo.

I Timothée 6:10

Onzôô adode te étambé éamapanga ébuéda môma na gô mabégô metso mabévani. Avo oma gômabéngahngô ôkitie, amanôtôga gô nzéa éaJésus étôkeani édué na amakôva anguene maguga mayekani gandé môma atsôkô môtémedi na pingô yatsende.

II Timothée 2:18

Anguene amadimbanéô nzéane éamabégô mapie, na aduta oma ayekani gôégéngôgéda mbe atsika mabégô mapie. Avovo n’ahngô mbe: Nyaa agékundugéô sowa ômamana éôta.

II Timothée 4:22

Te mbe Kumu Jésus abaké n’ewe. Na mbe mate maNzambé mabaké gô mitéma mianyô muetso.

Tite 3:15

Muetso ane andé n’ami égô, agôkômbôa. Ewe dôta kômbôa ane andé n’ami n’evambevo gô nzéa éaJésus étôkeani édué. Te mbe mate maNzambé mabaké gôndé anye muetso.

Hébreux 13:25

Te mbe mate maNzambé mabaké gôndé anye muetso.