I Timothée 6:20 - New Testament in Mitsogo

²⁰ Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

I Timothée 6:20 ပူးပေါင်းရင်းမြစ်များ

Mayanzame 16:1

Paul amabuéa gô Derbe na gô Lystre. Gône gômabaka môma môvo, ameetsa Jésus môtémee wetso, inedi Timothée. Yeedi te Môjuif ameetsa Jésus môtémee. Tétedi te Môgrec.

Mayanzame 17:18

Avo eekédi agô géômbé sEpicurien na géômbé sAstoïcien amavovo na Paul. Avo ameenda Paul mbe: ?One eetama ga ngubu gésikamé avovo vita ndé? Avo dôta ameenda mbe: We tôôkiô mbe gôndé nyene Nzambé évigi n’edi. Amavovo nane gôébégô Paul ameekéda mabégô maJésus na gamakunduganô g’ôwa.

Mayanzame 17:21

Gésima sasi môsengee ône, na kumu yambôka n’agenda, gésima saô gémabaka te nane. Amadigaa miôsaa mietso gôénigôana na gôéôkô te mane mamanza na mamanza.

Romains 1:22

Oma anyemôga mbe andé n’eodo, tambô asamenya ébégô. Andé ti égiô.

Romains 3:2

Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

I Corinthiens 2:6

Buéyé vane me Paul tsabômu éékéda mabégô maditani n’eodo évôni gôndé oma aChrist amoodo gô mabégô maNzambé. Ivô éodoe éne kaka éatsengene, kaka dôta éne éaditômuye dindéké gô tsinane nyetso na kookone yaô dingakea gôébungana.

I Corinthiens 3:19

Gôébégô éodo éatsenge nedué éndé ti éogiô va mbene aNzambé. Endé te mônongovo gatônigôu na Matendeo MaNzambé mbe: Nzambé akubéda oma eodo gô pagôye dimatambéa ahngô gôékubéda akaô.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

II Thessaloniciens 1:4

T’ebandô tônyemôga na gényônga gôndé anye vadigaa we n’avo asi mbumuye yaNzambé. Gôébégô, buéyé gô tsina agékuanô na maguga metso meenanye nôndé na môvinéné génôtôgé gô nzéane éaJésus na gétsumé Nzambé paga.

II Thessaloniciens 2:15

T’ebandô nanôbeenda mbe: Ana aTétee asi mbumu éaNzambé oodoni gô mabégô mapie. Ditégani meekédume metso mamanigôa we anye, buéyé na mônya, buéyé mbe na gésangô.

I Timothée 1:11

Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.

I Timothée 1:2

Nagôtendéa gésangô gegé éwe Timothée, ôndé muanami amôtéma agô mbumu éaNzambé. Nanyôngéô mbe Tétasô n’oo Nzambé na Kumu asô n’oo Jésus‐Christ agôétsa mate medi, na agôtubéda ngeba yedi na agôsuméda môtéma.

I Timothée 1:4

Dékéda ahngô mbe: Nômbiapakéda matangôtangô mbe te mabégô mapie. Nômbiatanda bikudumie misaba n’ekôdéô, miangô mituba te masaganédana. Môma asangatubédu nzéa éagéobogeo gô miangô. Adenga nzéane te veetsangô Nzambé môtémee gémôtsumé paga.

I Timothée 1:6

Eekédie adiboe ane, mitéma miaô misaba gô mabégôme matatô mane. T’ebandô andé gôépapatana gémenye gôkeahngô na mavovia maô magébé na tsoongo.

I Timothée 1:9

Bangôani mbe môge ôsakitsô gôndé ane adigaa na mavôma. Môge ôkitsô te gôndé abévie, na akékôie, na asi dibagaa na oma asagô na gôndé ane asaneegeda Nzambé na mabégô medi. Môge ôkitsô dôta gôndé asi mikôbé, ane ayôha kinde yaô na ane ayôha pati môma.

I Timothée 4:7

Ivô, kina matangôtangô masanigôa mane mapie na mapengana na mabégô maNzambé. Gényôga gôévamba na éne ényôngéô Nzambé.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

I Timothée 6:14

Indaka metso mamatômu éwe na Nzambé. Ombiasinga ôtômue woo ône ôbévédu na ôpenganédu ngu na nyee ôngaviga Kumu asô n’oo Jésus‐Christ.

II Timothée 2:1

Ewe Timothée muanami agô mbumu éaNzambé, odeeda môtémoo gô ngudi yamane meetsô we gô évamba éndé wa n’anyô na Jésus‐Christ.

II Timothée 2:16

Gônga masaganédame mabobo gôétongonéa na mangô, mapengana na nzéa éaNzambé. Ane avovonédana gô mangô, mapengana na nzéa éaNzambé. Ane avovonédana gô mangô awesea kuka yetso pesu pesu na gô nzéane ématatôana ahngô na Nzambé.

Tite 1:14

Na mbe asakôngéda matangôtangô mapakéda Ajuif mbe mabégô mapie. Na mbe asagobeda mitômamie na migemie miane amanôtôga gô nzéane éamabégô mapie.

Tite 1:4

Me nagôtendéa Tite, éwe muanami amôtéma agô mbumu éaNzambé. Wa n’oo muetso abaé tômamôétsa mitémamie gébé na paga. Nanyôngéô mbe Tétasô n’oo Nzambé na Mooboyi asô n’oo Jésus‐Christ agôétsa mate na gétabé.

Tite 1:9

Buedi mbe abaké môtémee wetso gô mabégô mapie gékiné ta na vibégô vivo viaNzambé. Vane angaba n’eodo na ngudi gôéongô akedi ndongi na meekédume mapie. Angaba na ngudi dôta gôétévéda nzéa éapie gôndé ane adigaa g’ôési, na gôékoa ahngô matasame.

Tite 3:9

Tongonéa na masaganédame goégônga mangô. Masaba na tsoongo. Mangô te bikudu mitongoni miambeego, na misoso, na paga ditsuma môma gô mitôma na mige miaNzambé. Vadigaa môma gôévovo mangô, atsogo te bobo, gébé na tsoongo.

Gétsutsuéô 3:3

Bangôani meekédume mamadiianye. Kôngédani gamookô anye mangô. Indakani mane mamookô anye. Eesédani anyene mitéma mianyô gôéviia ngima ébévee éanyô gôénika na gôndé me. Okô nôsitimôga nangaviga na gôndé anye na bambasa gaviga muisui. N’anye nôsangamenya ndéône éngaviga me.