I Timothée 6:2 - New Testament in Mitsogo

² Môvéga asakina égobeda kooko edi môma ameetsa Jésus môtemee, tsangô mbe ahngô muetso andé ana aTétee avitoo gô mbumu éaNzambé. Ene éamôsôba te mbe môvégee nône ootéé émôyanzéa na géneega gôébégô éne ékusa gô éyanzee éedi ésadimbana gô môkii, éndé te éagô mbumu éaNzambé. Timothée, ôeni éne éngeekéda éwe.

I Timothée 6:2 ပူးပေါင်းရင်းမြစ်များ

Matthieu 23:8

Ivô nanôongô ndongi mbe nônasinga oma anômekeda mbe: môékédi. Gôébégô anye muetso te ana aTétee atévo. Môékédine wanyô te môvo.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 6:24

Môma asoongôa éyanzéa kumu diabaé kuképo. Angadudu épo na anganyôngéô épo. Angagobeda épo na angeenza épo. Okiti ôndéké ga kumu gôétôma môtéma amôma. Anye nôsoongôa égobeda aangô na Nzambé kuképo.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

Ephésiens 1:15

Me Paul nootéa évovo na Nzambé gô mabégô mabaé. Ene éamapanga te metso mane mamayanzéa Nzambé wa n’anyô. Ene éamôbaé te gômookô me kumane yanyô gameetsanye Kumu Jésus mitéma mianyô gébé na paga na gandé anye na vitoo n’asi mbumu éaNzambé muetso.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Colosses 1:2

Tônôtendéa, anye muetso asi mbumu éaNzambé nôdigaa gô môsenge aColosses. Anye te ana aTétee amavôma gô ngudi yaChrist. Te mbe Tétasô n’anyô Nzambé anôétsa mate medi na gétabé sedi.

Colosses 1:4

Endé te nane gôébégô we tômookô tsangô éanyô. Tômookô gameetsanye Jésus‐Christ mitémamie mianyô gémôtsumé paga. Na tômookô gandéké anye na vitoo n’asi mbumu éaNzambé muetso.

Colosses 4:1

Anye kookoye, tômani avéga ayanzéa anye na ngeba gépenganédé ébégô. Nômbiabômu mbe n’anye muetso nôndé na môtômi môvôni andé g’ôba.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

I Timothée 4:11

Beenda mabégôme mane. Ikédaka mangô metsô.

I Timothée 5:1

Ombiasemba gébôôtô samômôgôô na kéé. Ivô ikéda angô ti eembe te tétoo. Ikédaka minzambu gandé anayoo.

Tite 2:1

Géé éwe Tite, ikéda te mane masapengana n’amuene Nzambé.

Tite 2:15

Oôkiô Tite, mane te mane mangeekédewe. Ikéda n’enyangee éoo éetso gôékasôgéda na gôésemba ane ookôni. Ombiasinga mbe deti yoma digôyungéda môtémee.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

II Pierre 2:10

Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

Jude 1:8

Endé te nane na amôgôôe ane ahkudungana va gatse anyô deo noo ayanza mônongovo gameenda akaô va mbeego. Ahngô eena mabégône gô ndoti na mangô makeda angô gôébévéda yôtôye yaanguene. Eenza éanyangee éaNzambé. Adeta ane andé n’ondômba ag’ôba.