I Timothée 6:17 - New Testament in Mitsogo

¹⁷ Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

I Timothée 6:17 ပူးပေါင်းရင်းမြစ်များ

Matthieu 12:32

One eenza me, Muana Amôma, andé na ngudi yesingéô kokoo. Géé, ône eenza Gédidi SaNzambé asangasingéô kokoo buéyé bandôa ndéô nedué ngu na gô ndéô évigani.

Matthieu 19:23

Jésus amanigôa aneengi edi mbe: Nanôbeenda na gô pie mbe énde ti édagani gôndé gékiti gôéengéa g’ôkumu aNzambé.

Matthieu 25:16

Môyanzine ameetsô yabi ditayi amakea na yangô gôéyanza ôyôkô. Dodeye dine dimoomba ékuséda yene yabi ditayi yadode.

Matthieu 27:57

Vameeda nyee, mômôgôô môvo amaviga, angô gékiti môsi môsenge aArimathée. Inedi te Joseph. Amabaka môneengi aJésus.

Matthieu 6:32

Te ane asavamba na Nzambé abuta yômee éne. Ivô anye, Tétanyô ône andé g’ôba amenya éetso ébutanye gôénôdôngéda gô tsina.

Marc 10:24

Aneengie amatsapéô gô mavovia mema. Na Jésus amapandôéda mbe: Anami, éndé ti édagani gôndé môma eetsa môtémedi g’ôkitie gôéengéa g’ôkumu aNzambé.

LUC TSANGO EAMOSOBA EMATENDA 19:2

Gômabaka mômôgôô môvo inedi te Zachée. Angô te pene abongie muetso adepu. Amabaka gékiti.

LUC TSANGO EAMOSOBA EMATENDA 3:11

Amaabéa ahngô mbe: One andé na ngoyi dibaé, akea akeétsa épo ône asabani. One andé na môyakô, akabéé.

Mayanzame 14:17

Eébéyée nane, amatubéda amuene gôndé môma gô mane mamisôba mamayanza angô gôndé môma nône. Anônyôgédéa mbuua éviga g’ôba. Anôkandédéa mbôtô mbe nôngaa môyakô gô ndéôye yetso. Mitéma mianyô mitsôkéa mane mamisôba meetsô anye n’edi.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 17:25

Nzambé asabuta sôma mbe môma angamôétsa sangô gôémôneegeda. Te amuene eetsa môma éôma éetso. Modi ôvéguma wa n’anyô na monyo ôndé na wa n’anyô tôétsô te n’edi.

Romains 11:20

Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.

Ephésiens 5:5

Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

1 Thessaloniciens 1:9

Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo.

I Timothée 1:3

Vamanôtôga me gô Macédoine, namagôbeenda mbe, éwe digaa gô Ephèse. Nagôomba ébeenda mbe, digaa te gône. Gôndéké avo gône eekéda mabégô madiboe. Dékéda ahngô mbe: Nômbieekéda.

I Timothée 3:15

Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

I Timothée 5:21

Me Paul natôma éwe Timothée gôégobeda ndongi yedi. Nagôtôma va mbene ambangiye yami, Nzambé na Jésus‐Christ na asi g’ôba, ayanzie aNzambé mbe: Indaka ti kuanakue gagôévédi me gô gésangô gegé. Vasevoa éwe na vatatôa éwe oma, ômbiakôndéga pati môma.

I Timothée 6:13

Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Tite 3:6

Menya mbe gô ngudi yaMooboyi asô n’anyô Jésus‐Christ, Nzambé amanyôgéda Gédidi sedi gôndé wa n’anyô ga mbuua ésaba éogômbô.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.