I Timothée 6:16 - New Testament in Mitsogo

¹⁶ One asangawani te angô. Amuene te gévede gévôni gésoongôa môma éwesea. Gôsaba môma amamôenani. Na gôsaba môma oongôa émôbononi. Ondômbee wetso na ngudi yetso éndéké gôndé angô môbô na môbô. Amen.

I Timothée 6:16 ပူးပေါင်းရင်းမြစ်များ

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 14:9

Jésus amanigôa angô mbe: G’eedigéa me n’anye, vadingi. ?Ewe Philippe madeo ôsimenya me-a? One ameena me, ameena na Téta. ?Nayee ôôngôa éénda me mbe tubéda we gandé Téta Nzambé?

Jean 6:46

Kaka mbe môma oongôa éena Téta. One ameena Téta te môvo na koo, ône amaviga g’ôba gôndé Nzambé.

Jean 8:58

Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké.

Ephésiens 3:21

Te mbe asi mbumu éaNzambé akumédé angô gô ina aJésus‐Christ môbô na môbô. Amen.

Philippiens 4:20

Ondômbee wetso n’okumakee wetso ôbaké môbô na môbô na Tétasô n’anyô Nzambé. Amen.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

Hébreux 13:8

Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.

Jacques 1:17

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.

I Jean 1:5

Nôeni tsangône émookô we na Jésus‐Christ, te yangô étsuéa we anye. Te mbe Nzambé te gévede. Gôndé angô gôsaba évitsi ta na pesu.

I Jean 1:7

Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.

I Jean 4:12

Gôsaba môma ameena Nzambé. Tambô tônyônganéôni wa n’anyôene na wa n’anyôene. Na angô andé môvo n’asô, étondoe éedi éngeenanô gô mônongoe wasô n’anyô.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 21:3

Namookô ôgi angudi ôvovo gô gédigaa sokumaka Omavovo mbe: Bandôa n’atsatsee gédigaa saNzambé géndéké va gatse oma. Amuene angadigaa n’ahngô. Na omee dôta ahngaba aNzambé. Nzambé amuene angeenanô n’oma na amuene angaba Nzambé aô.

Gétsutsuéô 22:5

Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.

Gétsutsuéô 4:11

Ah Kumu asô. Ah Nzambé asô. Ondé kuanakue gôéétsô géneega setso, n’okumakee wetso na ngudi yetso. Te éwe ômavanga éetso. Eetso émavangôni na éetso édôngani na éndé na monyo te gamanyôngéô éwe mbe ébaké te nane.

Gétsutsuéô 7:12

Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.