I Timothée 6:13 - New Testament in Mitsogo

¹³ Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

I Timothée 6:13 ပူးပေါင်းရင်းမြစ်များ

Matthieu 27:11

Jésus amatema va mbene aPilate gôétsundédu. Pilate ameevôa angô mbe: ?Ewe te môtômine aAjuif‐a? Jésus angô mbe: Otsimi.

Matthieu 27:2

Amakata Jésus gésengo na amakea n’edi na gôndé Pilate môtômine atsenge.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 19:11

Jésus amanigôa angô mbe: Mbeka Nzambé agôétsa ényanga éviga g’ôba, éwe mbe ôsoongôa étôma me. T’ebandô ône akabi me na gô mogo moo, ébévee éedi éotéa n’ene éoo.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 5:26

Menyani mbe amuene Téta te Kumu amonyo. Andé na ngudi yeetsa môma monyo, te mônongovo dôta ameetsa Muanedi ényanga eba Kumu amonyo gôéétsa môma monyo.

Mayanzame 17:25

Nzambé asabuta sôma mbe môma angamôétsa sangô gôémôneegeda. Te amuene eetsa môma éôma éetso. Modi ôvéguma wa n’anyô na monyo ôndé na wa n’anyô tôétsô te n’edi.

II Corinthiens 9:13

Ene éyanzanye étubéda éne éndé gô mitéma mianyô. Ayekani angakuméda Nzambé gôndé anye nôgobeda ôgi aNzambé na nôtubéda akanyô gameetsanye mitémamie mianyô gô Tsangô Eamôsôba éaJésus‐Christ. Angakuméda Nzambé dôta gôsikiné anye ékabéa ôkitie wanyô n’akanyô muetso.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

I Timothée 2:5

Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.

I Timothée 5:21

Me Paul natôma éwe Timothée gôégobeda ndongi yedi. Nagôtôma va mbene ambangiye yami, Nzambé na Jésus‐Christ na asi g’ôba, ayanzie aNzambé mbe: Indaka ti kuanakue gagôévédi me gô gésangô gegé. Vasevoa éwe na vatatôa éwe oma, ômbiakôndéga pati môma.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 21:6

Na ôgie ômoomba évovo mbe: Eetso édimbani. Me navovoni te Alpha na Oméga, événdégéô mbe, v’ebandô ametso te me, na v’ekôdéô ametso te me. Me te mapangame. Me te môyusumédue. One ookô sôé nangamôétsa meba magéenza magô gétôka géétsa monyo.

Gétsutsuéô 22:1

Môsi g’ôba môyanzi aNzambé amatubéda me, Jean mbéne éameba meetsa monyo. Mbéne éndé n’obébayi ga géenô. Tsôngôye yambéne éne ékusa gô gédigaa sokumaka gédigaa Nzambé na Môpaga.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.