I Timothée 6:1 - New Testament in Mitsogo

¹ Ndongi yedi te gôndé avéga. Buedi mbe agobeda kookoye yaô ti v’ekôdéô éagobeda, kabaga môma atsuava ina aNzambé na meekédu masô n’oo.

I Timothée 6:1 ပူးပေါင်းရင်းမြစ်များ

Matthieu 11:30

Môkongoe wami ôngatsua me n’ewe ôsadaga étsua. Na égumbee éngatôtsuani ésadita.

Matthieu 11:9

?Nômakea gôéena ndaa‐vo? ?Nômakea gôéena môpandôédi amatasa maNzambé‐a? Ii, nômeena te angô. Na ône ameenanye ootéa môpandôédi.

LUC TSANGO EAMOSOBA EMATENDA 17:1

Jésus amanigôa aneengi edi mbe: Gô tsina nedué gôndéké mabômia mayekani na masakôdéakani mabôméda môma gô mane masanyôngéô Nzambé. Ivô ti gô maguga mandé n’one abôméda môkedi.

Mayanzame 10:22

Agendee amamônigôa mbe: We tôvigi gô ina aCorneille, môtômi amigode. Angô te môma amôsôba aneegeda Nzambé. Ajuif muetso amômekeda. Môsi g’ôba amavigédu na Nzambé gôémôbeenda mbe: Wanyédé Pierre aviga na gô eboo. Ovôtanganô éne énganônigôa angô.

Mayanzame 10:7

Vamanôtôga môsi g’ôba vandé angô, Corneille amabambéa ayanzi abaé va gatse ayanzie wedi. Amabambéa na môgode môvo amabaka g’ôtômu edi. Môgodee nône amaneegeda Nzambé.

Mayanzame 15:10

?Anye nayee nônyôngéô étsimaméda éne émamana Nzambé ényepeda? Nôénda nane te gôkata anye omee ane égumba éditani ésiôngôé étsua peeye yasô n’anyô, na ésoongôa béyé na wa n’anyôene étsua.

Romains 2:24

Matendeo MaNzambé matônigôa mbe: Gô mônongoe wanyô Ajuif, akanyô gô mavo mongo eenza Nzambé.

I Corinthiens 10:32

Digaakani n’etsimama gôndé Nzambé gômbe môdigédie wanyô ôsangatôngéda Ajuif, na ôsangapatsa ane asaba Ajuif, na ôsayungéda ina ambumu éaNzambé.

Galatie 5:1

Wa n’anyo tosaba g’ovega. Christ amatooboo. Tambô tôdigékéni g’ôkumu. Wemani kabaga nônikea ébongu g’ôvéga.

I Timothée 5:14

T’ebandô me Paul nanyôngéô mbe mikué miatômbô abaaô na abôta ana, na akenea yeba yaô. Kabaga adudeo wasô n’anyô adiia ébégô gôétsundéda we.

Tite 2:5

Agetoe anye angeekéda tômbôye gôéba n’esima éamisôba na mitéma mimagôgéani. Angeekéda ahngô gôékenea yeba yaô na géômbé saô n’ekenge. Na gôégobeda omée waô kabaga atsuavéda Mane Mamavovo Nzambé.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.