I Timothée 5:5 - New Testament in Mitsogo

⁵ One andé na gô pie môkué te ône asaba na kinde andé tsani. Na angô aténdéda mbe tsoongone yedi te gôndé Nzambé. Asadunda na pitsi n’omanda gôévovo n’edi gôémôduka mbe amôwedéa.

I Timothée 5:5 ပူးပေါင်းရင်းမြစ်များ

LUC TSANGO EAMOSOBA EMATENDA 18:1

Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe:

LUC TSANGO EAMOSOBA EMATENDA 18:7

?Na Nzambé kumu étsimama asangookô ane aamugana na gôndé angô na pitsi n’omanda-a? Na Nzambé asangadingéda ékônzea omee wedi amasevôangô mabégôme.

LUC TSANGO EAMOSOBA EMATENDA 2:37

Anne amadigaa môkué gébaaô ngu na vamadômbéa angô aka nzima génana na mipuma minayi. Asinôtôgé gô eba aNzambé. Amayanzéa Nzambé na pitsi n’omanda. Amakina môyakô gôévovo na Nzambé.

Mayanzame 26:7

Mabôta metso maIsraël, tôndé nzima na mabôta mabaé, maténdéda éne évigani émavangana Nzambé va mbeego mbe éngaba te nane. Gôténdéda we tôyanzéa Nzambé na pitsi n’omanda na géviovio. Ewe Agrippa môtômi môvôni, menya mbe Ajuif atsundéda me te gô éne éténdéda me éne.

Mayanzame 6:1

Gô ndéô nene ôtangô aneengie aJésus ômakôndama. Ajuif amavovo ôgi aGrec amasanganédana na Ajuif amavovo ôgi aHébreu. Angô mbe: Mikué miasô misakeneo gakeneo mine mianyô. Nyaa wetso gô ndéô ékabô môyakôe, mine miasô misadiia kuanakue.

Mayanzame 9:39

Pierre amayavôga ékea na ane amaviga na môkudégee. Vamatsigahngô gô Joppé amakea na Pierre na gô tsongone éagô ngongo eba. Mikué muetso amaweséa na vandé Pierre ahdéa. Agetoe ane ahmamôtubéda édénga na ngoyiye dimatuba Dorcas vamabangô agédôngaka.

Mayanzame 9:41

Pierre amamôtsôpa g’ôgogo na amamôwedéa gôétema môtie. Pierre amabambéa ane ameetsa Jésus mitémamie mbe: Ingéani. Nôeni gôkundugi môkanyô.

Romains 1:12

Na va ngongone vane nookô tsôvé gôédigaa n’anyô gômbe mane mameetsa wa n’anyô mitémamie gématsumé paga, mangatôkasôgéda wa n’anyôene na wa n’anyôene.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

I Corinthiens 7:32

Me Paul nanôongô mbe gô mane meenanôni na mane mabandôni makebangana môma, bakani ga môma amapaba gésengo samane matsengene. Tôsabômu gandé môma. Mômôgôô asibeeni abuta éénda éne ényôngéô Kumu Jésus na matasa medi metso mandéké te gôéyanzéa Kumu edi.

I Corinthiens 7:34

Andé ga môma ayanzéa kumu diabaé. Te mônongovo gôndé môgeto asibaaôni na gôndé tômbô anyôngéô éyanzéa Kumu Jésus. Môgeto nône te aNzambé, ôtô edi wetso na gédidi sedi setso. Géé ône amabaaôni, matasa medi metso mandé gôéyanzéa mabégô mamonyo atsengene na abuta éénda éne ényôngéô mômiedi.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Philippiens 4:6

Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.

I Timothée 2:1

Ti ébégô éamapanga na kaa, énôongô me te mbe: Vovoni na Nzambé na miduké na disambô na gondogo na kuma gôndé oma muetso.

I Timothée 5:16

Okô gôndéké môgeto, ameetsa Jésus môtémee na angô andé na mikué gô mbumu éedi, buedi mbe akenea miangô amuene géwedéô na asi mbumu éaNzambé. Vane mbumu éaNzambé angakenea te ane andé na gô pie mikué mindé tsani gébé na môma.

I Timothée 5:3

Gôndé mikué miageto asaba na kinde ôtubéda ahngô ngeba.

II Timothée 1:3

Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

I Pierre 3:5

Enyepee éne te ôatédi ambeego ômataka ageto amatsimamani ahmakôngédaka Nzambé. Ahngô ahmookéôkô omée waô.