I Timothée 5:22 - New Testament in Mitsogo

²² Vasevoa éwe môma, ômbiayavôga émôtsakéga mogo gôémôétsa ényanga gô mbumu éaNzambé. Ombiagésangana gô mabégô mabévani meenda avo oma. Digaaka éwe gô étsimama.

I Timothée 5:22 ပူးပေါင်းရင်းမြစ်များ

Mayanzame 13:3

Vane, amôgôôe ane muetso amoomba édigaa gô gékinéô samôyakô gôévovo na Nzambé. Amatsakéga Barnabas na Saul mogome na ahmasingéa ahngô ahkea.

Mayanzame 18:6

Ivô Ajuif amakékôa éne émavovo angô na amamôtoko. Vane Paul amaduméda ébisi éamaduanime medi gôéeveda ahngô mbe: Okô anye nôkea gôédimbana te ébégô éanyene g’ôsôbee wanyô. Me tsaba gô éne. Bandôa deo noo, nakea na gôndé ane asaba Ajuif.

Mayanzame 20:26

T’ebandô nabeenda anye deo noo mbe ôkô va gatse anyô môvo akea gôébungana, tsangatsundédu gôndé angô.

Mayanzame 6:6

Omeaa tsambué amatubédu na gôndé ane amatômukuni. Ahmatsakéga ahngô mogome na ahmavovo na Nzambé gôndé ahngô tsambué.

Ephésiens 5:11

Nônakanéga évamba n’ane eenda ésima ésaba na tsoongo va mbene aNzambé. Tsigéda ésima éaô éevitsi na gô gévede mbe éenanô.

I Timothée 3:10

Anye nôsevoa awedie ane, pangani éena na ékanéga amôgôôe ane gô mavo mayanza magô mbumu éaNzambé. Okô ayanzi ékenge, andé ngu gôéétsô ényangee gôéwedéa gô mbumu éaNzambé.

I Timothée 3:2

One eetsô ényanga gôétôma gô mbumu éaNzambé, buedi mbe abaké môma agébé n’oési ta n’ovo. Buedi mbe abaké mômôgôô amôgeto môvo. Na amenye étôma ôtôe wedi, na abaké n’ekena na égoba. Amenye ékenea agenda. Na asabômu éékédani.

I Timothée 3:6

Nômbieetsa ényangee gôndé môma akogi n’atsatsee gôndé Jésus‐Christ kabaga aboa nyemo na kabaga éesédu gameesédu yabédé.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 4:14

Ombiatsika éyanza na môgôô ômeetsô éwe na Gédidi SaNzambé. Omeetsô môgôôe ône vamapandôédu ndongi dimaviga gôndé Nzambé, na vamatsakéga peeye yagô mbumu éaNzambé éwe mogome.

II Timothée 1:6

T’ebandô nagôbangôéda mbe, môgôô ômeetsô éwe na Nzambé vamatsakéga me éwe mogome, kidéa angô gakidéô soto mbe kabaga géema.

II Timothée 2:2

Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

Hébreux 6:2

Na meekédume mabatemeye na mane magétsakégéô samogome. Na mbe mabégô magékundugéô sane amawani, na môtsundu amôbô na môbô aNzambé.

II Jean 1:11

One asambanéa n’edi aka te môvo n’angô gôémôwedéa gô mane mabévani meendangô.

Gétsutsuéô 18:4

Namookô wene ôgi ômavovo g’ôba mbe: Omee ami, tôtani, nôtôgani gô môsengee ône. Kabaga nôgésangana gô ébévee éedi. Kabaga nôsisédu gô panda yevunga éngasisédu angô.