I Timothée 5:21 - New Testament in Mitsogo

²¹ Me Paul natôma éwe Timothée gôégobeda ndongi yedi. Nagôtôma va mbene ambangiye yami, Nzambé na Jésus‐Christ na asi g’ôba, ayanzie aNzambé mbe: Indaka ti kuanakue gagôévédi me gô gésangô gegé. Vasevoa éwe na vatatôa éwe oma, ômbiakôndéga pati môma.

I Timothée 5:21 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

LUC TSANGO EAMOSOBA EMATENDA 20:21

Ane amatômuni ameevôa Jésus mbe: Môékédi, tôsabômu mbe mane mavovo éwe te mapie matévo. Oékéda môdigédi apie ônyôngéô Nzambé. Osabono môma, buéyé môma abobo, buéyé môma môvôni, ôsamenya mane.

LUC TSANGO EAMOSOBA EMATENDA 9:26

Okô môma eena tsoyi gôndé me na Mabégô mami va miso moma, menya mbe me Muana Amôma nangeena tsoyi gôndé angô vangaviga me g’ôkumakami na ôndômba aTéta n’asi g’ôba, ayanzie aNzambé.

II Corinthiens 5:16

T’ebandô tôsangadôbono môma gô éne éenanôni éotô. Vamapanga tômamenya mbe Christ te môma, tambô deo noo tôsamôenadô mbe, môma.

1 Thessaloniciens 5:27

Nanôgondo gô ina aKumu Jésus mbe kokooye anye, tangéani ana aTétee asi mbumu éaNzambé gésangô gegé.

I Timothée 6:13

Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

II Timothée 2:14

Natôma éwe Timothée mbe: Bangôéda na ikéda oma va miso maNzambé mbe asasaganédana gô mavoviame na mavéndégéôme. Masaganédame mamônongo ône madaga na mapatsa ane ookôni.

II Timothée 4:1

Me Paul natôma éwe Timothée, ébégô édué évôni. Nagôtôma éangô va mbene aNzambé na va mbene aJésus‐Christ, môtsundédine ane adôngani n’ane amawani. Nagôtôma gômbe génikéô saChrist na ôkumue wedi génganeegedu.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

II Pierre 2:4

Aanakani geenda Nzambé. Buéyé asi g’ôba, ayanzi aNzambé vameendahngô ébégô ébévani Nzambé asiene ahngô ngeba. Ivô amadigunya midikidiki gô mbenge yevitsi gôkeneo angô ngu na nyaa amôtsundu.

Jude 1:6

Bangôani dôta gameenda asi g’ôba ayanzi aNzambé. Avo asinyôngéô ényangee égege émeetsô angô. Amanôtôga gô gédigaage saô. Nzambé akenea angô gô tungu éevitsi éabangata édagani. Andé wangô katôgô môbô na môbô. Eenea nyaa ôvôni ôngatsundédu angô na Nzambé.

Gétsutsuéô 14:10

Anye nônganyua gébungu géyôa n’opisa aNzambé ôsigésu na sôma gôésusua ôbagee. Anye muetso nômasinga Gényamanyama na gégonige sedi nôngabisa gô soto géyôa na mbônga ébévani, géndé va mbene asi g’ôba ayanzie aNzambé na Môpaga.