I Timothée 5:17 - New Testament in Mitsogo

¹⁷ Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

I Timothée 5:17 ပူးပေါင်းရင်းမြစ်များ

Matthieu 24:25

Tambô anye ôôkôni. Namani énôévéda ébégôe madeo ésibuéa.

LUC TSANGO EAMOSOBA EMATENDA 10:7

Nôdigaa te gô ebee ôngatubédu anye. Nôaa na nônyua te éne éngeetsô anye. Gôébégô môyanzi avanôkô te gô éne éyanzangô. Nômbiatôta gô yeba na yeba.

LUC TSANGO EAMOSOBA EMATENDA 12:42

Kumu Jésus amamônigôa gô nyene tsava mbe: ?Môyanzine eodo na agobedani indaa? Te kote eetsiô na kumune éedi ôtômu gôékenea ebee na gôékabéa avo ayanzi môyakô gô ndéô yetso dinyôngéô ahngô.

Jean 4:38

Namatôma anye gôékôkéga gô tsaga ésitsogé anye n’egaaba. Akanyô amamigaaba, n’anye nôdiia gô éyanzee yaô.

Mayanzame 11:30

Ameetsa te nane. Amakudéga éne émeetsangô ôbiia na gôndé peeye yambumu éaNzambé gô Judée. Te Barnabas na Saul amatsua dibiiaye dine.

Mayanzame 20:35

Gô mabégô metso me namani énôtubéda gayanza môma na mogo medi. Buéyé na gôéwedéa misuga nameenda te nane. Veenda wa n’anyô nane, tôbangôa éne émavovo Kumu Jésus mbe: Na gôéétsô, na gôéétsa, éne éôtéa na gényônga te gôéétsa.

Mayanzame 28:10

Asi néngéne amatubéda we géneega gô minongo mietso. Nyee ômapeka we gô mbôngône gôékea ameetsa we éôma éetso mbe tôsangabuta sôma gô môtôôe ômakea we.

Romains 12:8

One andé na môgôô gôéongô akedi ndongi, oongéké. One andé na môgôô gôékaba ôkitie wedi, akabéké na môtémedi wetso gébé na ninga. One andé na môgôô gôétôma akedi, atôméké na gétabé. Na ône andé na môgôô gôémogeda na gôéwedéa ane andé gô maguga, eendéké na gényônga.

Romains 15:27

Amavanga nane te anguene, ivô éndéké ga môtete ôvanahngô misugamie miagô Jérusalem. Gôébégô Ajuif asi mbumu éaNzambé gô Jérusalem amakaba ôkitie waô aGédidi SaNzambé n’akaô, ane asaba Ajuif. Tambô ane asaba Ajuif apukanéda n’ahngô g’ôsugee waô, gôéétsa ahngô ôkitie waô amanyiva.

Romains 16:12

Kômbôani Tryphène na Tryphose ayanzi aKumu na dôta wee ami Perside, ône asagogo gôéyanzéa Kumu.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

I Corinthiens 16:16

Nanôtôma, anee aTéta mbe nôgobeda ahngô na nôyanza éyanzevo n’ahnyô na muetso ane ahgono n’ahngô.

I Corinthiens 3:9

Gô tsaga éaNzambé we eekédi tôyanza évévé. Anye asi mbumu éaNzambé te tsaga éaNzambé éyanza we eekédi. N’anye nôndéké dôta te eba ôsaa Nzambé.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Galatie 6:6

One eekéduni Tsangô Eamôsôba akabé éne éedi éetso na ône eekédani.

Philippiens 2:16

Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.

Philippiens 2:29

Tambô keneani angô n’ekasôga, gakeneo ana aTéta agô mbumu éaKumu Nzambé. Buedi mbe nômôtubéda egôba, angô n’akedi andé g’angô.

Philippiens 4:3

N’ewe môsi éyanzevo n’ami ôsiaagané n’ami gô éyanzee. Wedéa kadi yoo yagô mbumu éaNambé gôébégô ahmagenya ébadi évo n’ami gôétsanzabanéda Tsangô Eamôsôba. Na Clement te mônongovo, n’avo ayekani amayanza n’ami. Mina maô mandéké mamatendu gô môganda amonyo.

I Timothée 3:5

?Okô môma asamenya étôma asi ebedi angoongôa étôma asi mbumu éaNzambé nayee? Asangoongôa.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

I Timothée 4:14

Ombiatsika éyanza na môgôô ômeetsô éwe na Gédidi SaNzambé. Omeetsô môgôôe ône vamapandôédu ndongi dimaviga gôndé Nzambé, na vamatsakéga peeye yagô mbumu éaNzambé éwe mogome.

I Timothée 4:16

Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 5:19

Nômbiasinga mane matsuayiô pene môsunda, buétsé te gôba mbangi dibaé ditatô.

I Timothée 5:3

Gôndé mikué miageto asaba na kinde ôtubéda ahngô ngeba.

II Timothée 2:6

Gégaabi satsaga amatsogo n’eyanza, te ône angapanga émbata môyakôe.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

Hébreux 13:24

Kômbôani gô inami atômie wanyô, n’asi mbumu éaNzambé muetso. Ana aTétee n’anyô gô tsenge éaItalie anôkômbôa.

Hébreux 13:7

Bangôani ane amapanga énigôa anye ôgi aNzambé gôénôtévéda nzéa. Tanganédani mônongoe ômadigaahngô ngu na vamawa ahngô. Gamabakahngô gétsumé ngudi yaNzambé paga, indaani tsingayi gô mônongoe waô.