I Timothée 5:1 - New Testament in Mitsogo

¹ Ombiasemba gébôôtô samômôgôô na kéé. Ivô ikéda angô ti eembe te tétoo. Ikédaka minzambu gandé anayoo.

I Timothée 5:1 ပူးပေါင်းရင်းမြစ်များ

Matthieu 23:8

Ivô nanôongô ndongi mbe nônasinga oma anômekeda mbe: môékédi. Gôébégô anye muetso te ana aTétee atévo. Môékédine wanyô te môvo.

Mayanzame 14:23

Go tunguye yetso dimawanya asi mbumu éaNzambé, Paul na Barnabas amasevoéa ahngô peeye dingatômani. Ahmadigaa amakina môyakô gôévovo na Nzambé na vane ahmadeekeda ahngô na gô mogo maKumu, ône ameetsahngô mitémamie.

Mayanzame 15:4

Vamatsigahngô gô Jérusalem, asi mbumu éaNzambé na peeye yaô n’ane amatômukuni amakômbôana n’ahngô na gényônga. Ane amatômu gô Antioche ahmanigôa akaô metso mane mamayanza Nzambé n’ahngô.

Mayanzame 15:6

Peeye yambumu éaNzambé n’ane amatômukuni amadigaa vavo gôékônza ébégôe éne.

Mayanzame 20:17

Vamabaka Paul gô Milet amakudéga ôgi na gôndé peeye yambumu éaNzambé gô Ephèse mbe: Vigani na gô Milet.

Romains 13:7

Vanakani mitete mindé n’anyô, môma te môma. Vanani depu gôndé môbongi adepu, na môtete gôndé môbongi amôtete. Vanani n’egobeda. Neegeda ône adigédiô gô gétungu sokumaka.

Galatie 6:1

Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

I Timothée 5:2

Ikéda gébôôtô samôgeto ti eembe te yoo. Ikéda tômbô ga kadi yoo gébé na matasa masagô.

Tite 2:2

Beenda peeye yamôgôô mbe: Digaani ékenge, n’esima éamisôba, n’eodo. Beenda ahngô mbe: Sipani gô nzéa éaJésus étôkeani édué. Na bakani n’etondo na ôbibo.

Tite 2:6

Na gôndé minzambu te mônongovo. Beenda ahngô mbe: Bakani n’esima éamisôba.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 5:14

?Gôndéké môvô va gatse anyô abeeani‐a? Abambéé peeye yambumu éaNzambé. Te ahngô ahgondo Nzambé na atsakéga môbeene mogo na amôbanda na madi gô ina aKumu Jésus.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

II Jean 1:1

Me pene agô mbumu éaNzambé nanôkômbôa yaa Kyria môgeto ômasevou na Nzambé. Nakômbôa éwe n’anoo. Nanônyôngéô na gô pie. Kaka memuene môtévo nanônyôngéôni. Te n’ahngô muetso asabômu mabégô mapie anônyôngéôni.

III Jean 1:1

Me pene agô mbumu éaNzambé nagôkômbôa wee ami Gaïus. Nagônyôngéô na gô pie.

Gétsutsuéô 4:4

Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.