I Timothée 4:8 - New Testament in Mitsogo

⁸ Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

I Timothée 4:8 ပူးပေါင်းရင်းမြစ်များ

Matthieu 12:32

One eenza me, Muana Amôma, andé na ngudi yesingéô kokoo. Géé, ône eenza Gédidi SaNzambé asangasingéô kokoo buéyé bandôa ndéô nedué ngu na gô ndéô évigani.

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Matthieu 6:33

Pangani ébuta mane mokumu aNzambé na gôéénda éne ényôngéô angô, na vane angoomba énôkôndéga évo yôma ébutanye.

Marc 10:30

angô angootéa édiia gô pitsi yedi. Vamatsikangô eba ôvo, angaba na môkama ayeba. Amatsika muanayeedi môvo, angaba na môkama aneyee. Na iyee te mônongovo. N’anee te mônongovo. Na tsagaye, te nane. Angadiia dôta gékuanô. Gô pitsiye yagô mbene angaba na monyo amôbô na môbô.

LUC TSANGO EAMOSOBA EMATENDA 5:38

Môma aseenda nane. One amenyani angeetéa maduku mamiduengi gô gégôbôkô gédeedani.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

I Corinthiens 3:22

Na Paul, n’Apollos, na Pierre, na tsinane, na monyo, n’owa, na mane madeo noo, na mane magô mbene n’okendo, éetso te éasô n’anyô.

I Corinthiens 8:8

Tambô kaka môyakô ôtôweseda na gôndé Nzambé. Okô tôsiaa tôsivéa sôma. Okô tôyéé tôsidenga sôma.

I Timothée 4:7

Ivô, kina matangôtangô masanigôa mane mapie na mapengana na mabégô maNzambé. Gényôga gôévamba na éne ényôngéô Nzambé.

I Timothée 6:3

Okô môma akanégi éékéda mavo mabégô, na angô asaba n’evamba na mavovia mapie maKumu asô n’anyô Jésus‐Christ, na meekédume maneegeda we Nzambé,

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

I Timothée 6:6

Na gô pie, wa n’anyô tôgobeda Nzambé tôndéké n’okiti ôvôni. Ivô ôkitie wasô n’anyô amapanga te vasanyima we éôma éyekani.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

I Jean 2:25

Nôeni éne émavanga Christ gôétôétsa te monyo amôbô na môbô.

Gétsutsuéô 3:12

Gôndé ône adiiani gô ébadie angaba éengô ésipa ebee wetso aNzambé éami, n’angô asangakusa wangô. Nangatenda g’ôtô edi ina aNzambé éasô n’edi na ina amôsenge aNzambé. Môsenge ône te nyene Jérusalem atsatsee ôndé va kôbangô amuene Nzambé na ôngasuma g’ôba. Nangatenda g’ôtô edi dôta inami éatsatsee éndé n’ami.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.