I Timothée 4:6 - New Testament in Mitsogo

⁶ Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 4:6 ပူးပေါင်းရင်းမြစ်များ

Matthieu 13:52

Vane Jésus amavovo mbe: Anigôi amige miaNzambé akoga gôékea n’ami gô nzéa éokumu aNzambé, agono na mômane akuséda gô gégaa sedi ôkiti amanza na ôkitie ambeego.

LUC TSANGO EAMOSOBA EMATENDA 1:3

Me va yami kuka dôta nameevôa ane amadenganôni gôémenya gamabandôa ébégôe na gandéké éangô ngu na ndéô nedué. Namanyôngéô égôtendéa mane mookiô me, éwe Théophile kumaka épôni.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

Mayanzame 20:31

Bakani n’ekena. Menyani mbe me gô mipuma mitatô na pitsi n’omanda me tsidunda énôévéda môma na môma. Nameevéda na namadéa na keba te gôndé anye.

Mayanzame 20:35

Gô mabégô metso me namani énôtubéda gayanza môma na mogo medi. Buéyé na gôéwedéa misuga nameenda te nane. Veenda wa n’anyô nane, tôbangôa éne émavovo Kumu Jésus mbe: Na gôéétsô, na gôéétsa, éne éôtéa na gényônga te gôéétsa.

Romains 15:15

Buéyé nane, nanôtendéa ti eembe nanôenza ga oma asamenya mabégô, gô mavo mabégô manôtendéa me. Gô gésangô gegé nanôbangôéda te bangôéda. Nanôtendéa ti gô gésooge gémeetsô me na Nzambé.

I Corinthiens 4:17

Na dôta nanôkudégéa Timothée muanami amôtéma agô mbumu éaNzambé ône adigaa gôndé Kumu na mavôma. Anganôbangôéda mônongo amonyo ôdigaa me gô vitoone éndé me na Jésus‐Christ. Mônongoe ône te ône ôékéda me gô tunguye yetso didigaa mbumu éaNzambé.

II Corinthiens 11:23

?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa.

II Corinthiens 3:6

Te Amuene Nzambé amatôkoa tôka ayanzi edi eevamba éamanza éawene mônongo évambéda Christ. Evambee éamanza éne ésasipa na mige mimatenduni, ivô ésipa na Gédidi SaNzambé. Mige mimatenduni mibuéda ôwa na gôndé oma. Gédidi SaNzambé géétsa oma monyo.

II Corinthiens 6:4

Tônyôngéô étubéda oma muetso mbe we te ayanzie aNzambé. Tôbibéda ti bibéda magugame na panda na mabégô madagani maminongo mietso.

Ephésiens 6:21

Muana aTétee n’asô n’anyô agô mbumu éaNzambé Tychique andé wee yami na môwedi abôkédé gô éyanzee éaKumu Jésus. Anganônigôa tsangône éami égô gôénômenyeda mônongovo gandé me.

Philippiens 2:20

Te Timothée amuene andé môtémovo n’ami gôékebangana gôndé anye na môdigéôe wanyô.

Philippiens 2:22

Anyene nôsabômu gamatubéda Timothée wa n’anyô mônongoe ôndé n’edi amôvinéné. Nôsabômu dôta gamayanzangô n’ami. Amayanza n’ami gô Tsangô Eamôsôba gayanza muana môtémovo na tétedi.

Philippiens 3:16

Buéyé mbe nane, ôkani tôweséni gô nzéane étôkéani édué.

Colosses 2:19

Angô anôtôga gôndé Christ ône andé môtsé ambumu éaNzambé. Tambô te gô ngudi yamôtsée mbe ôtôe wetso ôngôgédu. Na mbe éemée éetso éwanya kuanakue gô diôngôye na mikangimie. Vane ôtôe ôngôga ganyôngéô amuene Nzambé.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Colosses 4:7

Muanee aTétee n’asô n’anyô Tychique, weene éasô n’anyô andéké n’ami éva gôéyanzéa Kumu Jésus. Andé payi amavôma gô mbumu éaNzambé. Te angô anganôbeenda metso meenda me.

1 Thessaloniciens 3:2

Na tômanôkudégéa Timothée. Angô te muana aTétee ayanza gésoo gévo n’asô gôéékéda Tsangô Eamôsôba éaJésus‐Christ. Tômanôkudégéa angô te mbe anôodeda na anôkasôgéda gô mabégô maNzambé mameetsanye mitémamie gébé na paga.

I Timothée 1:10

Na gôndé asi gésasô na gôndé amôgôô ayanza anguene gésasô, na gôndé akabi avéga, n’apatie, n’ane asongéa éngôndô. Mige mikitsô te gôndé muetso ayanza mane mapengana na meekédu mapie.

I Timothée 4:16

Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.

I Timothée 6:3

Okô môma akanégi éékéda mavo mabégô, na angô asaba n’evamba na mavovia mapie maKumu asô n’anyô Jésus‐Christ, na meekédume maneegeda we Nzambé,

II Timothée 1:6

T’ebandô nagôbangôéda mbe, môgôô ômeetsô éwe na Nzambé vamatsakéga me éwe mogome, kidéa angô gakidéô soto mbe kabaga géema.

II Timothée 3:10

Géé éwe Timothée, ôndé gôéyeta gô matambé mami évo, évo. Osabômu meekédu mami, na mônongoe wami, na môvinéné ami, na ôsabômu gandé me gétsumé Nzambé paga, na ôbibôe wami na étondoe éami na gakea me gépongé gô nzéa éaJésus.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

Tite 2:1

Géé éwe Tite, ikéda te mane masapengana n’amuene Nzambé.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.

Jude 1:5

Anye nôsabômu mabégô mema. Eébéyée nane, nanôbangôéda gamayanza Kumu gôéoboo ana aIsraël g’ôvéga ômadigaahngô gô Egypte. Va mbenene vane amayôha ana aIsraël muetso amakina émôgobedani.