I Timothée 4:3 - New Testament in Mitsogo

³ Omee ane eekéda mbe: Esaba buedi gôébaana. Akinéda oma mivo miyakô. Tambô Nzambé amavanga miyakômie mietso mbe omedi angamiaa. Ane ameetsa Jésus mitémamie na asabômu mabégô mapie, n’egéaaka apanga ékuméda Nzambé gô miangô.

I Timothée 4:3 ပူးပေါင်းရင်းမြစ်များ

Matthieu 14:19

Vane amatôma géômbége setso gôédigaa v’esingaa. Na amabongo mipembamie mitayi mine na tônyama tôbaé tagô mbéyi na amabôkaméa miso medi na g’ôba na amaduka Nzambé mate medi. Amabukua mipemba na ameetsa aneengie. Ahngô amamikabanéa n’oma muetso.

Matthieu 15:11

Kaka éne éengéa gô mônya amôma émôbévédani. Ivô te éne ékusa gô mônyedi émôbévédani.

Matthieu 15:36

Amabongo mipemba tsambué na tônyamate. Amakuméda Nzambé gô éangô. Amabukua éangô. Ameetsa aneengie. Aneengie dôta amakabanéa éangô na géômbége.

LUC TSANGO EAMOSOBA EMATENDA 24:30

Vamadigaahngô va tabudé, Jésus amabongo môpemba na amakuméda Nzambé gô angô. Amabukua angô, na ameetsa akedi.

Jean 6:23

Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé.

Mayanzame 27:35

N’emana évovo nane, Paul amabongo mipemba na amakuméda Nzambé gô miangô va mbene oma muetso. Amamibukua na amaa.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 14:3

One aa éetso asangoongôa éenza ône asaani. Na ône asaani asangatsundéda ône aani, gôébégô Nzambé amasinga angô.

Romains 14:6

One agobeda môsee, agobeda te gôéneegeda Kumu. One aa éetso, aa te gôénéégeda Kumu gôébégô akuméda Nzambé gô môyakôe wedi. One asaani, akina môyakô gôéneegeda Kumu na akuméda Nzambé.

I Corinthiens 6:13

Anye dôta mbe: Môyakô ômeendéô te ébuyi na ébuyi dôta émavangéô te môyakô. Ii, na gô pie. Buéyé nane Nzambé nyovo angabunzéda te éetso, na môyakôe na ébuyie. Ivô menyani mbe yôtô yasô n’anyô oma disivangô gôéénda gésasô. Yôtô yasô n’anyô dindéké te yaKumu Jésus na angô dôta andé Kumu ayôtô yasô n’anyô.

I Corinthiens 7:28

Buéyé mbe nane, gôébaa môgeto kaka ébégô ébévani. Na gôndé tômbô te mônongovo vabaaô angô kaka ébégô ébévani. Ivô menyani mbe ane abaani na abaaôni eena ti maguga pitsi yetso. Nanyôngéô énôgôngéda gô magugame mane.

I Corinthiens 8:8

Tambô kaka môyakô ôtôweseda na gôndé Nzambé. Okô tôsiaa tôsivéa sôma. Okô tôyéé tôsidenga sôma.

Colosses 2:16

T’ebandô nômbiasinga mbe môma anôétsa ôési gô mige na gô mitôma miambeego gô éne éaa anye na gô éne ényua anye, na gô suetiye ditsôkéa anye, na gô mane meendô gô nyee ôbuéa ngondene amategetege, na gô mane manyee edunda aAjuif.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

I Timothée 2:4

Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.

I Timothée 4:4

Eetso émakana na émavanga Nzambé éndé ti éamôsôba. Gôsaba ta na gévo sagunyaga n’egéaaka éetso, pangani ékuméda Nzambé.

I Timothée 5:14

T’ebandô me Paul nanyôngéô mbe mikué miatômbô abaaô na abôta ana, na akenea yeba yaô. Kabaga adudeo wasô n’anyô adiia ébégô gôétsundéda we.

Hébreux 13:4

Buedi mbe yômba digobedu na muetso. Na buedi mbe môgadi na mômé abaké n’etondo anguene n’anguene. Nzambé angeeséda asi ôkuanda na asi gésasô.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.