I Timothée 4:10 - New Testament in Mitsogo

¹⁰ Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

I Timothée 4:10 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 27:43

Môtémedi wetso ômabaka te gôndé Nzambé. Amavovo mbe: Me te Muana ANzambé. Ehee. Aanakani gangoobou angô na Nzambéne yedi.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 4:42

Ahmavovo na môgeto nône mbe: Oeni we égô, tôétsi mitémamie, kaka gô mane mavovi éwe matévo, ivô te gô mane mookiô wéene. Tônigôéyiô na gô pie mbe angô te Mooboyi oma muetso.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

II Corinthiens 1:10

Te angô Nzambé amatôoboo gô pandaye dine dimabambanéda we n’owa. Na te angô andé na ngudi gôétôomba éoboo. Ii, na gô pie miso masô mabono te angô mbe angatôoboo gô panda kuka yetso.

I Timothée 2:3

Nôeni, éne ényôngéô Kumu asô n’anyô Nzambé te éangô éne.

I Timothée 2:4

Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.

I Timothée 2:6

Angô amadeekeda monyoe wedi amuene gôévana oma muetso mbe ahkusa g’ôvéga amane mabévani. Gô éne émeendangô gô ndéône émakônza Nzambé, tôena mbe Nzambé amanyôngéô ti na gô pie mbe akuséda oma g’ôvéga.

I Timothée 3:15

Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

Hébreux 11:26

Moïse amamenya mbe gôésipa gô gékuanô sainee éaChrist, te éne éndé na tsoongo. Géé gôédigaa n’okitie wetso atsengene éaEgypte, éne ésibé na tsoongo. Gôébégô Moïse amaténdéda na amabono miso medi te gô môsenda agô mbene éanzéa.

Hébreux 13:13

Tambô ôkani tôkedenga angô gô kôbangô amôsenge, gôésindéa ékeengie émakeengu angô.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Jean 2:2

Amuene Jésus‐Christ amadeekedu na Nzambé gôéwa gômbe ébévee éasô n’anyô ésingéô kokoo. Kaka éne éasô n’anyô étévo ivô te na éne éoma muetso.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.