I Timothée 4:1 - New Testament in Mitsogo

¹ Gédidi SaNzambé gétôevéda na vede mbe: Gô ndéône éamôyusumédu gôngaba avo oma anganôtôga gô nzéane étôkeani éaJésus émeetsakangô mitémamie, angagobeda édidie ébôméda oma na anganyôngéô meekédume medidi ébévani.

I Timothée 4:1 ပူးပေါင်းရင်းမြစ်များ

Matthieu 18:7

Gôndéké va tsina éva mane mabôméda môma gôéyanza mane masanyôngéô Nzambé. Tsina nedué édaga te gô mangô. Mabômiame mandé mayekani na masakôdéaka. Ivô ti gô maguga mandé na ône abôméda môkedi.

LUC TSANGO EAMOSOBA EMATENDA 17:1

Jésus amanigôa aneengi edi mbe: Gô tsina nedué gôndéké mabômia mayekani na masakôdéakani mabôméda môma gô mane masanyôngéô Nzambé. Ivô ti gô maguga mandé n’one abôméda môkedi.

Jean 16:13

Vangaviga Môwedi, angô te Gédidi gépandôéda mabégô mapie, géngatévéda anye gô mabégô metso mapie manzéane éaNzambé. Gésangavovo g’ogi edi, ivô géngabeenda anye metso mookô sangô. Génganôkeneda gô mabégô mangabuéani.

Mayanzame 13:2

Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 17:18

Avo eekédi agô géômbé sEpicurien na géômbé sAstoïcien amavovo na Paul. Avo ameenda Paul mbe: ?One eetama ga ngubu gésikamé avovo vita ndé? Avo dôta ameenda mbe: We tôôkiô mbe gôndé nyene Nzambé évigi n’edi. Amavovo nane gôébégô Paul ameekéda mabégô maJésus na gamakunduganô g’ôwa.

Mayanzame 20:23

Ene ésabômu me te éne émabeendu me na Gédidi SaNzambé gô mbôkaye yetso mbe: Eba atsôgôô na maguga mavôni mandé gôéenéa éwe gôkéwe.

Mayanzame 21:11

Mômôgôô nône amaviga na gôndé we. Amabongo édata émaataka Paul. Agabus amakata makôdô medi na mogo medi na édatee éaPaul na ameenda we mbe: Nôeni gakanéga me éakata memuene. Ôokôni éne évovo Gédidi SaNzambé na wa n’anyô. Kumu eedata édué angakatô na Ajuif gô Jérusalem te mônongovo, na angadeekedu na gô mogo magenda.

Mayanzame 28:25

Ajuif amatimôga gôénika na gô yeba yaô andé gôétsumana paga. Paul amavovo n’ahngô mbe: Tambô na gô pie Gédidi SaNzambé gémabaka na mitayi vamavovo sangô na peeye yasô n’anyô go mônya aEsaïe môpandôédi amatasa maNzambé mbe:

I Corinthiens 10:20

Neendi mbe ane adeekeda nyama na gôndé mbumba eetsa yangô na gôndé édidie ébévani, kaka na gôndé Nzambé. Ti me tsanyôngéô mbe nôvamba na édidie ébévani.

I Corinthiens 11:19

Buétsé vandé tatô va gatse anyô te gôémenyanganô ane andé na vitoo na Nzambé.

I Corinthiens 12:11

Migôômie mietso mine miétsô te na Gédidi gévo te géne SaNzambé. Gékaba miangô ôvo ôvo géenza, ganyôngéô amuene Gédidi.

I Corinthiens 2:10

Tambô, Nzambé gô ngudi yaGédidi sedi amatsutsuéa wa n’anyô ébégôe éedi ésinigôganéôni. Endé te nane. Gédidi SaNzambé te sangô gétoonegeda buéyé matasa maNzambé masimenyanganôni.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

II Timothée 4:4

Asangatambéa matô maô gô mabégô mapie. Angagéngôga gô matangôtangô masaba na tsoongo.

Jacques 3:15

Mônongo eodo ésaviga gôndé Nzambé. Ene te éodo éatsengene na éamôtéma amôma gabôtu angô. Eodoe éne éviga gôndé yabédé.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

II Pierre 2:1

Va mbeego va gatse ambumu éaNzambé vamabaka eekédi adiboe. Te mônongovo va gatse anyô vangaba eekédi adiboe. Ahngô ahtsongonéda meekédume mooboe gôébunza mane mapie. N’ahngô ahkina Môékédi môvôni ône amooboo ahngô. Eekédi adiboe ahngakudungana anguene gôébungana tsina na tsina.

II Pierre 3:3

Pangani émenya mbe gô pitsi yamôyusumédu gôngaba asi ékeengi na deti éaô. Angadigaa gô manyima maô mabévani. Asi ékeengi ahngavovo n’anye mbe:

I Jean 2:18

Anami, ékôdéô éka gôpégôpé. Nômamana éôkô mbe Môéndi aPégôani te Môvingi aChrist angaviga. Tambô Eendi aPégôani ayekani, Avingi aChrist amani étsutsuga. T’ebandô tôsabômu mbe ékôdéô éka gôpégôpé.

I Jean 4:6

Géé gôndé wa n’anyô, tôndé asi Nzambé. One asabômu Nzambé, atôôkéô. Géé ône asamenya Nzambé asatôôkéô. Te gô mônongoe ône tômenya étatôa Gédidi sapie na gédidi sadiboe.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 18:2

Môsi g’ôba ône amaamugana n’ogi agô ngongo mbe: Omapanzô. Môsenge ôvôni aBabylone ômapanzô na ômapanzanganô. Môsenge ône ôka gédigaa sayabédé. Oka gésomeo sedidi ébévani. Nyôyiye dibévani yanzoh didigaa wangô.

Gétsutsuéô 18:23

Gô môsengee ône gôsangadôomba éenanô gévede sadambi éyôani. Gôsangadôôkanô ôgie amôma, môgadi na mômé. Ayôkôe amôsengee ône ahmabaka na ngudi disimenya ene oma. Môsenge ône na maganga medi ômabôméda oma ayekani.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 2:11

Okô mbe anye nôndé na matô, ôôkôni môma na môma mane mavovo Gédidi SaNzambé na anye, asi mbumu éaNzambé. Angô mbe: Ane adiiani gô ébadi égenyuni asangawa ôwa amôbaé.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.

Gétsutsuéô 2:29

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 2:7

Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 20:10

Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.

Gétsutsuéô 20:8

Angakea gôébôméda asi tsenge yetso yava tsina, ane angeendô mbe Gog na Magog. Satan angakôkanganéda ahngô muetso gôégenya ébadi. Angayeka gayeka misige miagô kôbango amubu.

Gétsutsuéô 3:13

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:22

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:6

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 9:20

Omee muetso amasanéaka va tsina ahsiyôuku na panda yevungee étatô éne, asiviié ngima mane mamayanzahngô anguene. Ahsitsiké éneegeda édidie ébévani na mbumba yegoni dimapakôni na dimakônzuni na dodo na muahnga osunu ôvôni na étaé na kunga, na péndé.