I Timothée 3:16 - New Testament in Mitsogo

¹⁶ Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

I Timothée 3:16 ပူးပေါင်းရင်းမြစ်များ

Matthieu 1:23

Tômbô madeo asigésangana na mômôgôô angatsua émé. Angabôta muanamômôgôô. Angamôôga mbe Emmanuel. (Evéndégéô mbe Nzambé andé n’asô n’anyô.)

Matthieu 13:11

Jésus amaabéa angô mbe: Mabégo masanigôgéô muetso mokumu aNzambé mameetsô te anye. Ivô adua asiitsô mangô.

Matthieu 28:2

Tsina na tsina tsinane ématatéa pepe. Môsi g’ôba amavigédu na Nzambé na amakandanganéda étaé na va kôbangô angiine. Amadigaa gô ngongo etaé.

Matthieu 3:16

Vamabatésu Jésus, amakusa gô mbéyi. Na vane, ôbee ômatatôga na Jean ameena Gédidi SaNzambé gésuma ga ménga na vandé Jésus.

Matthieu 4:11

Vane yabédé amanôtôga vandé Jésus. Asi g’ôba amavigédu na Nzambé na va kôbangô aJésus gôémôwedéa.

Marc 1:13

Jésus amadigaa wangô nzima dinayi yapitsi. Amakanégu na Satan. Jésus amaba va gatse anyama yagô pindi. Asi g’ôba amavigédu na Nzambé gôémôodeda.

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

Marc 16:5

Ahmeengéa na gô ngiine éamôdungutu. Wangô ahmeena môma andé ga mônzambu andé digaa géeyo gémôgôô, aata gédénga savee. Agetoe ahmookô mangongo ahmakuadima.

LUC TSANGO EAMOSOBA EMATENDA 2:32

Angô te gévede gévôni géngatanéda éwe gôndé asi tsengeye yetso. Gôndé angô omee woo, ana aIsraël angakumédu.

LUC TSANGO EAMOSOBA EMATENDA 20:44

Jésus angô mbe: Amuene David amateta môma nône mbe Kumu ami. ?Mbe muanedi nayee angamôénda mbe: Kumu ami?

LUC TSANGO EAMOSOBA EMATENDA 22:43

Na vane môsi g’ôba amavigédu na Nzambé na vandé angô gôémôodeda.

LUC TSANGO EAMOSOBA EMATENDA 24:4

Ahmatsapéô gô ébégôe éangô. Te vane oma abaé amaata maduani mobébayi amatsiga gôndé agetoe.

LUC TSANGO EAMOSOBA EMATENDA 24:51

Jésus agébaka gôéénda nane, na amatômbu na g’ôba. Amaagana na amatsika aneengie.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 15:26

Môwedine wanyô angaviga. Angô te gédidi gépandôéda mabégô mapie mandé na Nzambé. Gédidige géne géviga g’ôba gôndé Téta. Nangagétôma na gôndé anye gô ina aTéta. Sangô te mbangine yami.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 20:12

Ameena asi g’ôba abaé avigédiô na Nzambé amaata mikanda miavembô, andé digaa gômayaméduku ôtôe aJésus. Môvo amadigaa va tungune émabaka môtsé. Môvo dôta va tungune émabaka makôdôme.

Jean 6:62

?Vangeenanye me, Muana Amôma nanikéa ébata na gômaviga me nôngeenda nayee?

Mayanzame 1:19

Asi Jérusalem muetso amookô gamawa mômôgôô nône. T’ebandô amooga tungu nene mbe Tsaga Eanzina. G’ôgi aHébreu mbe Hakeldama.)

Mayanzame 10:34

Vane te vamasiia Pierre mbe: Tambô na gô pie, nanigôgéyiô deo noo mbe Nzambé asatatôa oma.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Romains 10:12

Tambô gôndé Ajuif na ane asaba gô éongo éAjuif gôsaba éômbé ébaé. Kumune éaô te épo. Akaba mane medi mamisôba na gôndé muetso ahwesea na gôndé angô gôémôduka.

Romains 10:18

Ivô me Paul natsapéô. ?Tambô ahngô madeo asiôkô-a? Na gô pie amookô. Matendeo MaNzambé matônigôa gôndé eekédi mbe: Ogie waô ômookanô gô tsinane nyetso. Mavovia maô mamabuéa na gô tunguye yamakôdéô matsinane.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 3:4

Aé. Ogie ôsangakoga. Ondé te ôbéôbéô. Nzambé asakoga. Ayanza te gô mônongoe wedi agépenganédé, buéyé mbe wa n’anyô oma muetso tôbaké asi oboe. Te gatôbeendu gô Matendeo MaNzambé mbe: Buedi mbe ôdenganô gébé n’oboe gô éne évovo éwe. Buedi mbe ôétso mitayi vangatsundédu éwe.

Romains 8:3

Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

I Corinthiens 15:47

Adamene amapanga amavangô na toto. Adamene amôbaé te Kumu amaviga g’ôba.

I Corinthiens 2:7

Me tsamenya éne éodo. Nanigôa te éodoe émabaka gav’esooe na Nzambé na ésinigôganéô n’oma. Na Nzambé amasevoa éangô mbeego na mbeego, tsinane madeo ésikanô. Ameesevoa gôndé wa n’anyô mbe tôngaba n’ondômbee wedi.

II Corinthiens 1:19

Wa na Timothée na Silas tômanigôa anye tsangône éaJésus‐Christ Muana ANzambé. Jésus asivigé na yôgi dibaé, ôô ôgi mbe: te nane, na ôvo ôgi mbe: kaka nane. Amaviga na ôgi ôvo aNzambé mbe: te nane.

Galatie 2:8

Gôébégô Nzambé amanyôngéô mbe me natômu na Jésus gôéékéda ane ahsaba Ajuif. Na amanyôngéô mbe Pierre atômu na Jésus gôéékéda Ajuif.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

Ephésiens 1:9

Amatômenyeda étasa émabaka n’edi ésinigôganéô na mbeego n’oma. Etasee te nzéane émanyôngéô angô ékônza gôndé wa n’anyô gô ngeba yedi gô ngudi yaChrist.

Ephésiens 6:19

Vovoni na Nzambé gôndé me Paul mbe vakukua me mônyee wami mbe nangeetsô mavovia makuanakue na mbe nangavovo gébé na tsoyi gôémenyeda oma mabégô maTsangô Eamôsôba masinigôganéôkô na mbeego.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

Colosses 1:27

Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.

Colosses 1:6

Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

Colosses 2:2

Nagenya gôndé anye te mbe mitéma mianyô miyôé na bôkédé gébé na gomo, na mbe nôbaké muetso n’evambevo na vitoo. Na mbe nôbaké n’eodo éapie gôébégô éangô te ôkiti ôvôni ônôsuméda mitéma. Eodoe éne énômenyeda matasa maNzambé masinigôganéô na mbeego. Na mangô te amuene Christ.

II Thessaloniciens 1:10

Engabuéa te gô ndéône éngavigangô gôéneegedu n’asi mbumu éedi na gôékumédu n’ane amamôétsa mitémamie. N’anyene nôngaba wangô gôébégô nôsitsumé paga gô meekédume mamanigôa we anye.

II Thessaloniciens 2:7

Ngudi dipôni yaMôbévine ône, dindéké gôéyanza v’esooe, ivô disangeenanô yetso ngu na vangatubédangô mabégôme medi mavôni. Na mangô masangatubédu buétsé te ône eebakanéda mangô pitsi yedi apanga énôtôga.

I Timothée 3:9

Abaké géaagané na mabégô mapie mameetsangô môtémedi gébé na paga. Adigéké géétsô ôési na muangee amôtémedi.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 7:7

Tambô, ôné eetsa mate ootéa n’otômu na ône eetsiôni.

Hébreux 8:1

Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

I Jean 1:2

Vamatsutsuga monyoe ône tômeena angô. T’ebandô we tôndé mbangiye gôénôtsuéa tsangône na tônôékéda mane mamonyoe ôdôô amôbô na môbô ône amabaka vavo na Téta Nzambé.

I Jean 3:5

Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

Gétsutsuéô 17:5

Va panzane edi vamatendu ina ésoongôa môma émenya éevisô. Inee ématenduni te mbe: Oô te Babylone épôni. Odôô yeene émabôta étôa éetso éagésasô. Na émabôta dôta n’esimee éetso éanzoh éava tsina.

Gétsutsuéô 17:7

Môsi g’ôba ameevôa me mbe: ?Osôbasôbana ndé? Na amanigôa me mbe: Oeni événdégéôe éav’evisô éamôgetone andé digaa gô Gényamanyama. Oeni dôta événdégéôe éaGényamanyamage géndé na miôtsé tsambué na nzima atséba.

Gétsutsuéô 7:9

Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga.