I Timothée 3:15 - New Testament in Mitsogo

¹⁵ Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

I Timothée 3:15 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 18:18

Jésus amavovo mbe: Nanôbeenda ébégô édué éapie. Ene ékata anye gô tsengene ékatiô dôta gô tsenge éaNzambé g’ôba. Ene étsôbôa anye gô tsengene étsôbôyiô dôta g’ôba.

Jean 1:17

Mige na mitôma miaNzambé mimaviga na tétasô Moïse. Mate mapie metso mamaviga na Jésus-Christ. Môétsine te Nzambé.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 18:37

Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.

Jean 6:69

We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô.

Mayanzame 1:2

ngu na nyee ômatômbu angô na Nzambé na g’ôba. N’egébataka na g’ôba, Jésus te amamana éétsa mitômamie na ndongiye gôndé aneengi edi, ane amasevou na amatômu na amuene Jésus. Amavovo n’ahngô te gô ngudi yaGédidi SaNzambé.

Mayanzame 14:15

Akasô, oma n’asô ?Nayee nôéndéa we nane? We abaé tôndé oma gandé anye. We tônôtsuéa Tsangô Eamôsôba éaJésus-Christ. Tônôtévéda mbe aaganani na mbumbaye yanyô disaba na tsoongo. Géngôgani na gôndé Nzambé, Kumu amonyo. Angô amakana tsina n’oba na mubu na éetso éndé wangô.

Romains 3:2

Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

Romains 9:26

Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe: Anye nôndé ti ana aNzambé, angô Kumu amonyo.

I Corinthiens 10:32

Digaakani n’etsimama gôndé Nzambé gômbe môdigédie wanyô ôsangatôngéda Ajuif, na ôsangapatsa ane asaba Ajuif, na ôsayungéda ina ambumu éaNzambé.

I Corinthiens 3:16

Anye nôsabômu mbe anye te eba aNzambé. Gédidi sedi gédigaa gô mitéma mianyô.

II Corinthiens 3:3

Eenanô na vede mbe anye te gésangô gématenda amuene Christ na we eekédi tômagékuya gôndé anye. Gésangôge géne gésitendu na mbii éamôtondo ivô gématendu na Gédidi SaNzambé géndé monyo. Nzambé asikuété sangô gô ôkadô etaé. Amakuéta gésangô sedi gô môtéma ôdôngani amôma.

II Corinthiens 6:16

?Eba ôkumédu Nzambé ôngavamba na mbumba ditoko Nzambé nayee? Gôébégô wa n’anyô tôndéké eba aNzambé ône ôdôngani. Amuene Nzambé amavovo mbe: Nandé n’ebami, nadigaa va gatse omami. Me te Nzambé éaô, ahngô dôta te anami.

II Corinthiens 6:7

na gô éékéda we mane mapie gô ngudi yaNzambé. Ekeeyie étsôpa we gôégenya n’akasô, na gôéebakanéda wéene, te ékeeyi ésabévéda môma.

Galatie 2:9

Jacques na Pierre na Jean te ane ahmapanga étômu na Jésus. Ahsitsumé paga mbe me nameetsô na Nzambé gésaô géndé n’ami egé. Ahmasambanéa na wa na Barnabas. Vane we muetso, asi géômbé gévo tômavanga mbe we avo tôkea gôéékéda ane ahsaba Ajuif na avo ahkea gôéékéda Ajuif.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

Ephésiens 4:21

Nômookô ina éedi étetu. Nômeekédu mane mapie maJésus.

Colosses 1:5

Vameekédu anye kukane éamapanga Tsangô Eapie, éne Eamôsôba éaJésus‐Christ, nômamenyedu mbe éangô éndé na tsoongo. Ebandôe éavitoone éanyô na ébandôé émeetsanye mitémamie, étsinee te tsoongo nene. Nôndé gôéténdéda éne émakeneo g’ôba gôndé anye.

1 Thessaloniciens 1:9

Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo.

I Timothée 3:14

Timothée, nagôtendéa gésangô gegé, nandé na môténdéda mbe tôngeenana pitsi yedi.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

I Timothée 3:2

One eetsô ényanga gôétôma gô mbumu éaNzambé, buedi mbe abaké môma agébé n’oési ta n’ovo. Buedi mbe abaké mômôgôô amôgeto môvo. Na amenye étôma ôtôe wedi, na abaké n’ekena na égoba. Amenye ékenea agenda. Na asabômu éékédani.

I Timothée 3:5

?Okô môma asamenya étôma asi ebedi angoongôa étôma asi mbumu éaNzambé nayee? Asangoongôa.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

I Timothée 6:16

One asangawani te angô. Amuene te gévede gévôni gésoongôa môma éwesea. Gôsaba môma amamôenani. Na gôsaba môma oongôa émôbononi. Ondômbee wetso na ngudi yetso éndéké gôndé angô môbô na môbô. Amen.

II Timothée 2:19

Buéyé veendahngô nane, diboboye dimavumba Nzambé gôésipéda ôbôgee amabégô medi mapie, disipa ti v’ekôdéô éasipaga. Na gô yangô gômakuétu béndaye mbe: Kumu Nzambé asabômu ane andé omedi. Na dôta dimakuétu mbe: One avovo mbe: Me te môma aNzambé aviié mane mabévani metso ngima.

II Timothée 2:20

Gô eba ôvôni gôdenganô épedee émakônzu na dodo na épedee éosunu ôvôni. Ivô kaka éangô étévo. Gôdenganô te na épedee éapéndé émapakôni na épedee éakiekie. Ene éadodo n’osunu ôvôni te épedee éokumaka na éasueti. Ene dôta éapéndé na éakiekie éyééô te pitsi yetso.

Hébreux 10:21

Wa n’anyô tôndé na môdeekedi adigondoku te môsungéyi môvôni, na angô te pene agô mbumu éaNzambé.

Hébreux 12:22

Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 4:17

Géyénza gébuéyi, géne gébandôa môtsundu. Oma aNzambé to angô apanga étsundédu na Nzambé. Okô môtsundu ôbandôi na wa n’anyô oma aNzambé ?ékôdéô éamôtsundue gôndé ane akina Tsangô Eamôsôba éviga gôndé Nzambé éngaba nayee?

Gétsutsuéô 7:2

Na nameena dôta môvo môsi g’ôba amaviga gésa géviga kômbéne amasumbéda ndémbo étubéda ina aNzambé, Kumu amonyo. Amaamugana na gôndé akedi anayi ameetsô ôtômu gôépanza tsinane na mbéye.