I Timothée 2:8 - New Testament in Mitsogo

⁸ Nanyôngéô mbe gô tsengeye yetso, amôgôô atômba mogo maô gôévovo na Nzambé. Avove na Nzambé na mitéma mimagôgéani gébé na ôpisa, na gébé na matasa mamasaganédana.

I Timothée 2:8 ပူးပေါင်းရင်းမြစ်များ

Matthieu 21:21

Jésus amanigôa ahngô mbe: Nanôbeenda na gô pie mbe ôkô anye nôétsa mitémamie mietso, gétsumé ngudi yaNzambé paga, nôngeenda éne ééndi me na géététége, na nôngeenda mavo mabégô mootéa mavôni. Nôôngôa évova na môkôdi ôdôô mbe: Môtôga na gô mubu. Na angô ôôngôa énôtôga na gô mubu.

Matthieu 5:44

Ivô me nanôbeenda mbe, nyôngéôni adudeoe wanyô. Vovoni na Nzambé mabégô mamisôba gôndé ane anôkuanani.

Matthieu 6:12

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

LUC TSANGO EAMOSOBA EMATENDA 23:34

Jésus amasambéda mbe: Téta, singéa ahngô kokoo. Ahsamenya éne ééndahngô. Migode mimatséva na nzéké gôésevoa éduani éaJésus énganyôngéô angô.

LUC TSANGO EAMOSOBA EMATENDA 24:50

Jésus n’aneengi edi amanôtôga gô Jérusalem gôékea na gô gésa saBéthanie. Jésus amakonyo mogome na ameetsa aneengie mate gô mavovia medi.

Jean 4:21

Jésus angô mbe: Môgeto noo, ôôkô éne évovo me. Gô ndéô évigani éne énganeegadanye Téta, kaka gô môkôdie ôdôô. Kaka dôta gô Jérusalem.

Mayanzame 10:2

Corneille amaneegeda Nzambé. Angô na asi ebedi muetso amakea kuka yetso gô éwanyéô gôéneegeda Nzambé. Amawedéa ndéô yetso misuga miAjuif. Amavovo na Nzambé gédundé.

Mayanzame 10:31

Amavovo n’ami mbe: Corneille, Nzambé amookô disambôye yoo. Asabômu gawedéa éwe misuga.

Mayanzame 10:4

Amabono môsi g’ôba na ônzenze na amamôévôa mbe: ?Kumu Nzambé éébé nayee? Môsi g’ôba amamônigôa mbe: Nzambé amookô disambôye yoo. Ameena gawedéa éwe misuga. Na asabômu éwe.

Mayanzame 21:5

Na vamamana we n’ahngô pitsi tsambué, éne éagénana tômaagana n’ahngô gôémangôa môtôô wasô. Muetso ane ameetsa Jésus mitémamie béyé n’ageto n’ana, amaveegeda we na v’etumba éambôka. Va kôbangô amubu tômasiba mabongome gôévovo na Nzambé.

Mayanzame 7:60

Amaaga masibabongo. Amaadôngana mbe: Kumu ami, gô ébégô édué ébévani éénda adua, ômbiétsa ahngô ôési. Vamamanangô évovo nane, amawa.

I Corinthiens 1:2

Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 7:7

Ti gôndé me, nanyôngéô mbe oma muetso abaké gandé me. Ivô tsabômu mbe môma na môma na wedi môgôô ômeetsô angô na Nzambé. Oô wedi, ôô dôta wedi.

II Corinthiens 2:14

Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso.

Philippiens 1:12

Ana aTétee n’ami asi mbumu éaNzambé, nanyôngéô mbe nônigôgéô ébégôe édué. Mane mamabuéa gôndé me masibévé bévaga. Ivô mamanyepa gômaweseda mangô Tsangô Eamôsôba éaJésus‐Christ gô mbene na gô mbene na gô dipo tungu.

1 Thessaloniciens 1:8

T’ebandô mabégô maKumu Jésus mamatsanzabana bandôa n’anye. Na masikôdé gô Macédoine na Grèce gôtévo. Tsangône yanyô émeetsanye Nzambé mitémamie gébé na buétsé, émookanô tsengene nyetso. Endé te nane. Oma asaba na tsôvé éévôa we gôénigôa tsangône yanyô, amani émimookô.

I Timothée 5:14

T’ebandô me Paul nanyôngéô mbe mikué miatômbô abaaô na abôta ana, na akenea yeba yaô. Kabaga adudeo wasô n’anyô adiia ébégô gôétsundéda we.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Jacques 4:8

Weseani na gôndé Nzambé gôévamba n’edi, na angô angawesea na gôndé anye. Ovôakani mogo manyô oma abévani. Gôgédani mitéma mianyô, anye anyepi amiônya.

I Pierre 3:7

Anye amôgôô keneakani agayanyô. Bangôani mbe ageto ahsaba na ngudi gandé anye amôgôô. Nyôngéôni ahngô na géneega gôébégô ahngô ahdiia kukepo n’anyô monyo ômeetsa Nzambé ôbiia. Indani nane buta mbe gôsaba ébégô ta n’evo gébakanédéô sadisambô yanyô.