I Timothée 2:7 - New Testament in Mitsogo

⁷ T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

I Timothée 2:7 ပူးပေါင်းရင်းမြစ်များ

Jean 7:35

Peeye yAjuif ameevôana anguene mbe: ?Angakea vita na gésa ndé gésangatômenyani? Tambô mavooe angakea te na gôndé Ajuif amapanzanganani adigaa va gatse aAgrec. Mavooe angeekéda Agrec.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 26:20

Namapanga éékéda te asi Damas n’asi Jérusalem. Vane nameekéda na muetso gô tsenge ééndô mbe Judée, na dôta asi dipo tsenge. Nameekéda angô mbe: koani mitéma mianyô gôéba na wene mônongo amonyo. Géngôgani na gôndé Nzambé. Digaani na yanzani gôétubéda gakoyiô anye mitémamie.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:9

Ene évovo me tsapata. Gémonige sami te Nzambé, ône ayanzéa me na môtémami wetso gôétsua Tsangô Eamôsôba éaMuanedi Jésus-Christ. Angô asabômu gateta me miname manyô

Romains 10:14

?Nayee angamôbambéa, gône atsuma angô paga¿ Angeetsangô mitéma miaô madeo ahsiôkô inedi, nayee¿ Angookô ahngô gébé na môma atsua angô tsangône gôémônigôa, nayee?

Romains 11:13

Me Paul navovo éva n’anye nôsaba Ajuif. Jésus-Christ amakudéga me gôétsua tsangône éedi na gôndé ane asaba gô éongo éAjuif. Na memuene natsôkéa gôékuméda éyanzee éne émeetsô me.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 9:1

Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata.

I Corinthiens 9:1

Ane atsuma paga gôndé me Paul, aanakani. ?Me Paul namaba g’ôvéga‐a? Tsibé. ?Me Paul tsisevou na tsitômu na Jésus‐Christ‐a? ?Me tsiene na miso mami Kumu asô n’anyô Jésus‐a? ?Anye kaka gémbégéa gétubéda éyanzee éami‐a?

II Corinthiens 11:31

Nzambé Tétene éaKumu Jésus te gémoni sami gésabômu mbe me tsapata. Te mbe inedi ékumédu môbô na môbô.

Galatie 1:16

Gô étondo éedi, Nzambé amanyôngéô étsutsuéda me Muanedi Jésus te mbe nanganigôa Tsangô éedi Eamôsôba gôndé ane ahsaba gô éongo éAjuif. Gô ndéô nene me tsikeadô ne gôndé môma gôéongu ndongi.

Galatie 1:20

Ene énôtendea me ti na gô pie, Nzambé eena me, tsapata.

Galatie 2:16

Béyé nane tôsabômu mbe môma aseenanô na Nzambé ti eembe asaba n’oési tsangô mbe akenea mitôma na mige miaNzambé. Ivô andé gébé n’oési va mbene aNzambé te gôétsa angô Jésus‐Christ môtémedi wetso gémôtsumé paga. Na we dôta tômeetsa Jésus mitéma miasô gôéba gébé n’oési va mbene aNzambé, kaka gô ngudi yegékeneo samige miedi ivô te gôsatsuma we Jésus paga. Gôsaba môma andé n’etsimama va mbene aNzambé tsangô mbe akenea mige miedi.

Galatie 2:9

Jacques na Pierre na Jean te ane ahmapanga étômu na Jésus. Ahsitsumé paga mbe me nameetsô na Nzambé gésaô géndé n’ami egé. Ahmasambanéa na wa na Barnabas. Vane we muetso, asi géômbé gévo tômavanga mbe we avo tôkea gôéékéda ane ahsaba Ajuif na avo ahkea gôéékéda Ajuif.

Galatie 3:9

Abraham asitsumé Nzambé paga na ameetsô mate. Te mônongovo muetso ane ahsatsuma ôgi aNzambé paga eetsô mate gameetsô Abraham.

II Timothée 1:11

Nzambé amasevoa me gôénigôa Tsangô nene Eamôsôba gôndé ane asavamba na Nzambé. Ameetsa me ényangee éamôékédi, na éamôma atômuku na Jésus.

II Pierre 2:5

Buéyé ane ahmapanga na tsinane Nzambé asiene ahngô ngeba. Nzambé amavigéda géningô gémootéaka éningôe éetso gôébunga tsengene émayôaka n’ebéva. Nzambé amooboo oma génana, te gévia saNoé môékédine amabégô maNzambé.