I Timothée 2:4 - New Testament in Mitsogo

⁴ Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.

I Timothée 2:4 ပူးပေါင်းရင်းမြစ်များ

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Marc 16:15

Jésus amatôma aneengie mbe: Kiakani na gô tsengeye yetso. Ikédakani Tsangô Eami Eamôsôba gô mongome metso.

LUC TSANGO EAMOSOBA EMATENDA 1:77

Ongamenyeda oma amasevôa Nzambé mbe: Mooboyi avigi. One angasingéa ébévee éanyô kokoo na angooboo anye.

LUC TSANGO EAMOSOBA EMATENDA 14:23

Kumu éamôambôe amoomba étôma môyanzine mbe: kiaka ôkebambéa asi gô madeke, n’ane ahndé gô tsaga yaô mbe: Ahvigé gô suetine. Ahsavéa. Ahviduga gô ebami.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 17:17

Aaganéda ahngô na mane matsengene mbe avamba n’ewe gô ngudi yamane mapie. Etsinee ametso mapie te ôgie woo.

Jean 6:37

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Romains 11:14

Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

II Timothée 2:25

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

II Timothée 3:7

Agetoe ane ookô meekédume moma muetso génigôgéô ta na ébégô évo na géôngôé émenya mane mapandôéda we mapie gandéké Nzambé.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Tite 2:11

Menya mbe Nzambé amatsutsuéda ngeba yedi gôéoboo oma muetso.

Hébreux 10:26

Okô wa n’anyô tômani éôkô mabégô mapie, tôômba éénda mane masanyôngéô Nzambé n’osôbee asô n’anyô, gôsabadô wene ôgondoku ôngoongôa étônôtôa ébévee éne.

Jacques 3:14

Okô gô mitéma mianyô nôndé na ngusu na kébuma nônakuméda anyene mbe, tôndé n’eodo. Nômbiapatéda gô mane mapie.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.

II Jean 1:1

Me pene agô mbumu éaNzambé nanôkômbôa yaa Kyria môgeto ômasevou na Nzambé. Nakômbôa éwe n’anoo. Nanônyôngéô na gô pie. Kaka memuene môtévo nanônyôngéôni. Te n’ahngô muetso asabômu mabégô mapie anônyôngéôni.

Gétsutsuéô 14:6

Vane me Jean nameena môsi g’ôba môvo amaveea gô ngongo ngongo. Amabaka na Tsangô Eamôsôba éamabégô mamôbô na môbô masakôdéakani gôébeenda oma agô tsina. Tsangône te gôndé asi tsengeye yetso na asi mongo metso na asi yôgi yetso na oma muetso.