I Timothée 2:3 - New Testament in Mitsogo

³ Nôeni, éne ényôngéô Kumu asô n’anyô Nzambé te éangô éne.

I Timothée 2:3 ပူးပေါင်းရင်းမြစ်များ

LUC TSANGO EAMOSOBA EMATENDA 1:47

Môtémami ôyôa na gényônga gôébégô éaNzambé Mooboyi ami.

Romains 14:18

Okô ôyanzéa Christ gôémôgobeda gô mabégô mema, Nzambé anganyôngéô na akoo dôta angagôsénga ôséngu.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

I Timothée 1:1

Oô te me Paul, namasevou na Kumu asô n’oo Nzambé na namatômu naJésus‐Christ, ône andé tsoongone éasô n’oo étôténdéndni.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

I Timothée 5:4

Okô môkué andé n’ana, na ana anedi, buedi mbe ana apangé étubéda étondo éaô gôndé Nzambé vakeneahngô ône waô. Gô éne, ana anikéda éne émeetsô ahngô g’ôanéngée waô n’iyee yaô. Nzambé anyôngéô te nane.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

I Pierre 2:20

?Géneega ndé gôndé ône asipa vasisédu angô andé n’oési? Ivô te mate maNzambé gôndé ône asipa vasisédu angô géndé ébégô.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.