I Timothée 2:2 - New Testament in Mitsogo

² Buedi gôévovo na Nzambé gôndé atômi avôni atsengeye, n’ane andé na manyanga muetso, buta mbe tôdigaa na gétabé gébé na mikebanganô. Vane tôngaba na môdigeo ôgobedani ganyôngéô Nzambé.

I Timothée 2:2 ပူးပေါင်းရင်းမြစ်များ

LUC TSANGO EAMOSOBA EMATENDA 1:6

Zacharie na Elisabeth amagobeda Nzambé gô mabégô metso. Ahsikékôé ta n’ebégô évo ématsikéô ahngô gô mitômamie na gô mige miaKumu Nzambé.

LUC TSANGO EAMOSOBA EMATENDA 2:25

Gô Jérusalem gômabaka mômôgôô atetu mbe Siméôn. Amabaka môma amôsôba. Amagobeda Nzambé na ameenéa gévigéô saMooboyine ana aIsraël. Gédidi SaNzambé gémabaka n’edi.

Mayanzame 10:22

Agendee amamônigôa mbe: We tôvigi gô ina aCorneille, môtômi amigode. Angô te môma amôsôba aneegeda Nzambé. Ajuif muetso amômekeda. Môsi g’ôba amavigédu na Nzambé gôémôbeenda mbe: Wanyédé Pierre aviga na gô eboo. Ovôtanganô éne énganônigôa angô.

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Romains 12:18

Gô gésa sanyô, ôkô mbe nôngoongôa, digaani n’oma muetso na gétabé.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

1 Thessaloniciens 4:11

Gényôngani gôédigaa va gatse anyô na gétabé. Bononi na keneani te mane manyene. Yanzani na mogo manyene gôédôngéda yôtô yanyô. We tômani énôongô gô mabégô mema.

Hébreux 12:14

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.