I Timothée 2:1 - New Testament in Mitsogo

¹ Ti ébégô éamapanga na kaa, énôongô me te mbe: Vovoni na Nzambé na miduké na disambô na gondogo na kuma gôndé oma muetso.

I Timothée 2:1 ပူးပေါင်းရင်းမြစ်များ

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Romains 1:8

Ebégôe éamapanga, nakuméda Nzambé gô ina aJésus-Christ gôndé anye muetso. Kumane éanyô gameetsanye mitémamie na gôndé Nzambé gébé na paga, éôkanô tsengeye yetso.

Romains 6:17

Tôneegedekeni Nzambé. Va mbeego nômabaka g’ôvéga gôétômu na mabégô mabévani. Ivô ndéô nedué nômeetsa mitéma mianyô pepe gôégôbeda meekédu maNzambé mane mamadiianye.

I Corinthiens 15:3

Namanôékéda bandôa v’ebandô mabégôme mavôni mameetsô me. Nameekéda anye mbe Jésus‐Christ amawa gô ébéva éasô n’anyô te gamatôévédu na Matendeo MaNzambé.

II Corinthiens 8:6

Veena we mate maNzambé mandéké gôndé akasô égô, tônyôngéô mbe na mangô mabaké dôta gôndé anye gô Corinthe. T’ebandô tôtôma Tite mbe: Kiaka, mangôé éyanzee éoo gôndé asi Corinthe mbe n’ahngô dôta eetsa na gényônga ôkabôe waô.

Ephésiens 3:13

T’ebandô me Paul nanôbeenda mbe nômbianika gévii, tsangô mbe neena maguga gôndé anye. Magugame meena me te ôndômbee wanyô, tambô tsôkéakani.

Ephésiens 5:20

Kumédani Tétasô n’anyô Nzambé ndéô yetso na gô mabégô metso gô ina aKumu asô n’anyô Jésus‐Christ.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Philippiens 1:3

Gô mônongoe wanyô, me nakuméda Nzambé éami kuka yetso dibangôa me gandé anye.

Philippiens 4:6

Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.

1 Thessaloniciens 3:12

Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

I Timothée 2:4

Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.

I Timothée 5:5

One andé na gô pie môkué te ône asaba na kinde andé tsani. Na angô aténdéda mbe tsoongone yedi te gôndé Nzambé. Asadunda na pitsi n’omanda gôévovo n’edi gôémôduka mbe amôwedéa.

II Timothée 2:24

Tambô môyanzi aKumu Nzambé asasaganéda na môma. Buedi mbe abaké na gényônga n’oma muetso, na abaké ngu gôéékéda kuka yetso na môvinéné.

Tite 2:11

Menya mbe Nzambé amatsutsuéda ngeba yedi gôéoboo oma muetso.

Tite 3:2

Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.

Hébreux 6:11

We eekédi tônyôngéô mbe anye, môma na môma nôsanganzeegeda géviôviôge géne ngu na v’ekôdéô éamionyo mianyô. Buta mbe mane maténdéda anye nômadiia.

Jacques 5:16

Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.