Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Timothée 1:9 - New Testament in Mitsogo

9 Bangôani mbe môge ôsakitsô gôndé ane adigaa na mavôma. Môge ôkitsô te gôndé abévie, na akékôie, na asi dibagaa na oma asagô na gôndé ane asaneegeda Nzambé na mabégô medi. Môge ôkitsô dôta gôndé asi mikôbé, ane ayôha kinde yaô na ane ayôha pati môma.

အခန်းကိုကြည့်ပါ။ ကော်ပီ




I Timothée 1:9
45 ပူးပေါင်းရင်းမြစ်များ  

Oma angakaba anayaô gôéahyôhéda. Tétee ahngakaba anaô te mônongovo. Anee angakoga aka avingi atétee yaô na iyee yaô na ahngahyôhéda.


Na atsuavana. Andéké adudeo aNzambé. Andé na dienza na nyemo na bôpeeo. Oma avaka waô mônongo gôéyanza mane maô mabévani. Asookéô tétee yaô n’eyee yaô.


Nzambé amavangana n’Abraham mbe: Ewe n’anoo, tsinane nyetso te mikuanya mianyô. Ovangee ône, Nzambé asiôvangé ne Abraham tsangô mbe Abraham agobeda ndongi na mige na mitôma miaNzambé. Amavangana gôébégô Nzambé ameena Abraham ti eembe asibé n’oési va mbene edi gômeetsangô Nzambé môtémedi gébé na buétsé.


Mige miaNzambé mimakitsô gômbe ébévee éamôma éngeenanô mbe émaata évanga. Ivô vayeka ébévee, menyani mbe na ngeba yaNzambé dingootéa éaata évanga.


Mabégô mabévani masatômadô anye gôébégô nôsabadô gô tsina otômu amige miaNzambé, ivô nôndé gô tsina angeba yaNzambé gôétômu na yangô.


?Okô mbe éndé nane ébégô ndé migemie mine mimakitsô? Mimakitsô te gôémenyeda môma éne éyanzangô ésanyôngéô Nzambé. Mimakitsô mbe mingadinga ngu na vangaviga muanee aAbraham, te muanee ovanga. Asi g’ôba amavigédu na Nzambé gôétsua migemie mine na gôndé môma môvo. Angô amabaka gékambi va gatse aNzambé n’oma.


Okô mbe Gédidi SaNzambé gétôma anye tambô kaka mige miaNzambé mitôma anye.


na ényima, n’edangi, n’onzôô éaa môyakô, na mabégô mamônongo ône. Me nanôévéda mônongo gamani me énôbeenda mbe ane eenda mabégôme mane asangadigaa g’ôkumu aNzambé.


na gôéba gébé na nyemo, na gôéoodeda môtéma gôékina manyima mabévani. Mabégô mema masaba na môge.


Vane te vangatsutsuga Môbévine. Ivô Kumu Jésus angamôyôha gô ngudi yamodie ôkusa gô mônyedi. Angamôbunganéda gô ngudi yobébayi agévigéô sedi.


Ivô, kina matangôtangô masanigôa mane mapie na mapengana na mabégô maNzambé. Gényôga gôévamba na éne ényôngéô Nzambé.


Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.


Gônga masaganédame mabobo gôétongonéa na mangô, mapengana na nzéa éaNzambé. Ane avovonédana gô mangô, mapengana na nzéa éaNzambé. Ane avovonédana gô mangô awesea kuka yetso pesu pesu na gô nzéane ématatôana ahngô na Nzambé.


Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.


Menya mbe gôndéké oma ayekani, ti gandé gô géômbé sAjuif amasinga Jésus, andé akékôani na abôméda akaô gô mavovia maô masaba na tsoongo.


Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.


Oétsa ényangee éopayie te gôndé mômôgôô andé na môdigédi agébé n’oési, na andé na môgeto môvo na koo. Anedi abaké ameetsa Jésus mitémamie na amenyanganô mbe ahndé na midigédi miamisôba na amenya égobéda ane atômani.


Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.


Rahab môgeto agésasô te mônongovo. Ameetsa Nzambé môtémee na asitsumé ngudi yedi paga. Amawedéa na môtéma ômasumani amôgôôe asi Israël amaseta môsenge ndodi. Na Rahab asiwa gamawa akedi muetso ahmakékôa ôgi aNzambé.


Wemani kabaga gôdenganô va gatse anyô môsi gésasô. Wemani kabaga gôdenganô môma agono na Esaü asiditédé ôvangee aNzambé. Amakaba ôpayie wedi gô gépede samôyakô gakabô sôma sabobo.


Oséngu gôndé anye nôsaba na buétsé gô éangô. Ivô gôndé ane amatsuma paga agono na Asaayi eba amagunya étaé mbe ésanyepa Na éangô émasevou na muene éka étaé éav’epandaka.


Edidie éangô ésiôkéôkô Nzambé va mbeego. Vamabibéda Nzambé abibéda ndéô diyekani gô pitsi dimasaaka Noé mbôngône. Ane amoobouni asibaké ayekani. Te oma génana amabaka gô gatse ambôngône vamapepa yangô va ngongo ameba.


Matendeo MaNzambé matônigôa mbe: Okô mbe ébégô édagani gôndé môma amatsimamani gôéobou na Nzambé ?Tambô gôndé oma adibagaa na oma abévani éngaba nayee?


Angaviga gôétsundéda oma muetso. Angaviga gôésiséda muetso eenza angô gô mayanza maô mabévani mamakékôéa ahngô Nzambé na gô mavovia maô madiboe mamavovo eenzie gôébuanya Nzambé.


Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.


Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ