I Timothée 1:5 - New Testament in Mitsogo

⁵ Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 1:5 ပူးပေါင်းရင်းမြစ်များ

Matthieu 12:35

Môma amôsôba akuséda mane mamisôba masuégangô ga ôkiti gô môtéma. Môma môbévani dôta akuséda mane mabévani masuégangô ga ôkiti gô môtéma.

Matthieu 5:8

Ti gô gényônga géndé n’anye nondé na mitéma mimagôgéani. Anye nôngeena Nzambé.

Mayanzame 15:9

Nzambé asatatôa Ajuif n’ane asaba Ajuif. Amagôgéda mitéma miaô gômeetsahngô Jésus miangô gébé na paga.

Mayanzame 23:1

Paul amabono asi kundu épôni éAjuif gébé na tsoyi. Amavovo mbe: Ana aTétee n’ami, vatsundédu me na muanga amôtémami, ôseeséda me va mbene aNzambé ngu na deo noo.

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Romains 10:4

Ene émakônza Nzambé te mbe Christ te gédugédéô samigemie na mitômamie mimeetsô Moïse gômbe muetso ane eetsa Christ mitéma miaô eenanô na Nzambé ti eembe asaba n’oési.

Romains 12:9

Etondo éndé n’anyô ébaké éagébé na buembe. Kékôani ébévee éetso. Nômbiaagana na mane mamisôba.

Romains 14:15

Okô ôbévéda muana aTétee n’oo gô éne éaa éwe, ôsamenya édigaa n’edi gô étondo éaNzambé. Ombiasinga môyakôe woo ôkeda môkoo gôébungana gôébégô Jésus amawa te gôndé môkoo.

Romains 9:1

Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata.

I Corinthiens 13:1

Buéyé mbe neetsô ngudi gôévovo yaanga yôgi divovo oma, me géékédu yangô, na dôta dine divovo asi g’ôba, ôkô me tsiba na étondo éaNzambé gô môtémami, mavovia mami mbe te gandé ôgi angomo na ône egenge ôsookanôni, te nzongodi étévo.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

I Timothée 1:18

Timothée, muanami agô mbumu éaNzambé nagôétsa ndongi yedi. Yangô éwanya na dipo ndongi dimeetsa Nzambé môpandôédi gôéevéda éwe. Singa mbe mabégô mema masipéda éwe na meetsa éwe ngudi gôégenya ébadie étôgenyani.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 3:9

Abaké géaagané na mabégô mapie mameetsangô môtémedi gébé na paga. Adigéké géétsô ôési na muangee amôtémedi.

II Timothée 1:3

Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

II Timothée 1:5

Natanganéda gameetsewe Nzambé môtémee woo wetso gémôtsumé paga. Mônongovo gamadeekeda yoo Eunice na yeene ayoo Loïs, mitéma miaô na mbeego. Tsabômu mbe anye n’ahngô, mabégô maNzambé mandéké gô mitéma mianyô te mônongovo.

II Timothée 2:22

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

Tite 1:15

One andé na môtéma ômagôgéani, mane medi metso te mamagôgéani. Géé ône andé na môtéma apaga ôsigôgéni, mane medi metso te masigôgéni. Gôébégô muangee amôtémedi ôndé gô évitsi ôsoongôa émôtsundéda.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 13:18

Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Jacques 4:8

Weseani na gôndé Nzambé gôévamba n’edi, na angô angawesea na gôndé anye. Ovôakani mogo manyô oma abévani. Gôgédani mitéma mianyô, anye anyepi amiônya.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Pierre 4:8

Nas’ediiaka mabégô metso pángani ényônganéô anyene n’anyene ti v’ekôdéô éenyônganéô. Gôébégô étondo épika mabégô mayekani mabévani.

II Pierre 1:7

Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.

I Jean 3:3

Muetso tôndé na tsoongone éne gôndé Christ tôkeneke mitéma miasô mbe migôgédu gandé amuene andé amagôgéani.