I Timothée 1:3 - New Testament in Mitsogo

³ Vamanôtôga me gô Macédoine, namagôbeenda mbe, éwe digaa gô Ephèse. Nagôomba ébeenda mbe, digaa te gône. Gôndéké avo gône eekéda mabégô madiboe. Dékéda ahngô mbe: Nômbieekéda.

I Timothée 1:3 ပူးပေါင်းရင်းမြစ်များ

Mayanzame 18:19

Vamatsigahngô gô Ephèse, Paul amaagana na Aquilas na Priscille gôékea na gô eba agéwanyéô sAjuif. Gône amanigôana n’Ajuif.

Mayanzame 18:21

Amavovo mbe: Okô Nzambé anyôngéyiô nangoomba éviga na gôndé anye. Amanôtôga gô Ephèse amapeka gô mbôngô.

Romains 15:26

Asi mbumu éaNzambé gô Macédoine na Grèce amavanga gôéétsa dibiia yaô dingakea na gôndé misuga miagô mbumu éaNzambé mindé gô Jérusalem.

Romains 16:17

Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô.

II Corinthiens 11:4

Ane oma agésingiasingia nôyavôga ésinga nyene tsangô ééndô mbe éaJésus. Na éangô ésaba éapie. Nôsinga na sene gédidi gésaba saNzambé, na mavo mabégô masaba maNzambé. Metso mane masawanya na mane meekéda we anye. N’anye nôsamenya ésevoa.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Philippiens 2:24

Naténdéda gô ina aKumu Jésus mbe gô pesu andéô nangaviga memuene na gôndé anye.

I Timothée 4:11

Beenda mabégôme mane. Ikédaka mangô metsô.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 5:7

Oeni éne éngabangôéda éwe mikué kabaga aba n’oési.

I Timothée 6:10

Onzôô adode te étambé éamapanga ébuéda môma na gô mabégô metso mabévani. Avo oma gômabéngahngô ôkitie, amanôtôga gô nzéa éaJésus étôkeani édué na amakôva anguene maguga mayekani gandé môma atsôkô môtémedi na pingô yatsende.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

I Timothée 6:3

Okô môma akanégi éékéda mavo mabégô, na angô asaba n’evamba na mavovia mapie maKumu asô n’anyô Jésus‐Christ, na meekédume maneegeda we Nzambé,

II Timothée 1:18

Nanyôngéô mbe Kumu Jésus amôsingéa gôédiia ôkitie aKumu ôngakabô gô nyoo ône ôvôni. Ewe Timothée, ôsabômu metso mamisôba mameendéangô me gô Ephèse.

II Jean 1:7

Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.

Gétsutsuéô 2:14

Béyé mbe nane, nôndé n’ebégô ésanyôngéô me. Va gatse anyô gôndéké avo anyôngéô meekédume maBalaam. Angô Balaam ameekéda dôta Balak gôéengéda asi Israël gô monongoe wedi ôbévani mbe ayeeséda ahngô éambô émadeekedu gô mbumba na gôéyanza gésaahgô.

Gétsutsuéô 2:20

Béyé mbe nane, nôndé n’ebégô ésanyôngéô me. Ebégôe te édué. Anye nôsinga gôédigaa na môgeto nône eendô mbe Jézabel, va gatse anyô. Angô apata mbe: Me namatômu na Nzambé gôéékéda. Angô abôméda ayanzi ami nzéane te gô gésasô na gô éambô ékusa gô ésôga.